Zapasy zbroi, jakuju Zachad moh pieradać Ukrainie, vyčerpvajucca. Što dalej?

U 1940—1941 hadach ZŠA anałahična padtrymlivali Brytaniju, i tady takaja stratehija pryniesła dobryja vyniki. Tym nie mienš, ciapier vajna va Ukrainie pierachodzić u krytyčna važnuju fazu, Rasija rychtujecca da bitvy za ŭschodnija terytoryi, ale isnuje niebiaśpieka, što arsienał, jaki ZŠA nakiroŭvajuć Ukrainie, moža chutka vyčarpacca.

Situacyja pakazvaje, što i vajennaja mahutnaść ZŠA abmiežavanaja, i heta moža mieć značeńnie ŭ vypadku vialikaha kanfliktu zvyšdziaržaŭ, piša Bloomberg.

Zbroja — samy važny z elemientaŭ padtrymki Ukrainy zachodnimi dziaržavami. 

Amierykanski hienierał Mark Mili, staršynia Abjadnanaha kamiteta kiraŭnikoŭ štaboŭ, paviedamiŭ Kanhresu, što Zachad pastaviŭ Kijevu 60 tysiač adzinak supraćtankavaj zbroi i 25 tysiač adzinak supraćpavietranaj zbroi. Ciapier Pientahon płanuje dasłać va Ukrainu dadatkovuju artyleryju, drony bierahavoj abarony i inšyja srodki. Bieły dom niadaŭna abviaściŭ pra novy pakiet dapamohi na 800 miljonaŭ dalaraŭ, jaki ŭklučaje ŭ siabie ŭ tym liku viertaloty i bronietransparciory.

Čamu Amierycy ciažka vyrabić bolš zbroi

Prablema ŭ tym, što ZŠA nie čakali takoj vajny. Mierkavałasia, što Rasija chutka zavajuje vialikuju častku krainy, tamu ZŠA prosta buduć padtrymlivać nizkaintensiŭny partyzanski ruch tam. Ale Ukraina paśpiachova vytrymała ŭdar, i vajna nabyła charaktar praciahłaj i vysokaintensiŭnaj.

Heta stavić zachodnija dziaržavy pierad vybaram: nakiroŭvać bolš zbroi va Ukrainu abo zachoŭvać zbroju na vypadak patencyjnaha budučaha napadu na krainu NATA. U toj ža Kanady chutka skončylisia rakietnyja ŭstanoŭki i inšaja technika, jakaja tak mocna patrebnaja ŭkraincam. ZŠA pastavili Kijevu ŭžo treciuju častku svajho ahulnaha zapasu supraćtankavych rakiet Javelin, heta praktyčna ŭsio, što Vašynhton moh pasłać, nie ryzykujučy zastacca z pustymi kišeniami. Pry hetym na značnaje naroščvańnie vytvorčaści patrebnyja miesiacy, kali nie hady.

Hałoŭnaja bitva ŭkrainskaj vajny projdzie na ŭschodzie krainy, dzie miascovaść davoli adkrytaja, što ŭskładniaje abaronu. Ukrainie spatrebicca našmat bolš zachodniaj zbroi, kab pieramahčy ŭ hetaj bitvie ci, tym bolš, pierajści ŭ nastup.

Dziakujučy mahutnaj pramysłovaj bazie ZŠA byli siarod pieramožcaŭ u suśvietnych vojnach minułaha stahodździa, ale siońnia papoŭnić amierykanski arsienał moža być nie tak lohka. Ekanamičnaje lidarstva ZŠA ciapier hruntujecca nie stolki na pramysłovaści. Niedachop stankoŭ, kvalifikavanaj pracoŭnaj siły i svabodnych vytvorčych mahutnaściej moža zapavolić pieraŭzbrajeńnie Amieryki padčas vajny. Naprykład, ZŠA nie mohuć pavialičyć vytvorčaść rakiet Stinger dla Ukrainy ź siońnia na zaŭtra. Syravina jość, ale padrychtavanych pracoŭnych ruk niama.

Amierykanskija zapasy ŭzbrajeńniaŭ mienšyja, čym možna było b sabie ŭjavić, častkova praz abmiežavańni vytvorčaści, a častkova praz toje, što bolšaja častka 750-miljardnaha biudžetu Pientahona tracicca nie na kuli i bomby, a na pracoŭnuju siłu, achovu zdaroŭja dy inšaje.

Čytajcie taksama:

«Hałoŭnaje, što vaša armija nie pasadziła kryvavuju plamu na svaje mundziry». Vialikaja hutarka z ukrainskim palittechnołaham

• 0
• 0
• 6
• 5
• 10
• 10
• 14
• 0