Biełaruski prakuror: Rasijanie, jakija zabivali ludziej u Bučy i Irpieni, pavinny być aryštavanyja ŭ Biełarusi

«Zhodna z častkaj 3 artykuła 6 Kryminalnaha kodeksa (dziejańni KK da asob, jakija ŭčynili złačynstvy na terytoryi inšych dziaržaŭ), adnosna šerahu złačynstvaŭ jon pavinien užyvacca niezaležna ad kryminalnaha prava miesca ździajśnieńnia złačynstva, — kaža naš surazmoŭca. —

Zbolšaha takaja norma tyčycca tak zvanych vajennych złačynstvaŭ: hienacyd, złačynstvy suprać čałaviečnaści, parušeńnie zakonaŭ viadzieńnia vajny i hetak dalej. 

Tyja strašennyja kadry i słovy śviedak, jakija masava palilisia ŭ sieciva ŭviečary 2 krasavika, možna kvalifikavać z dapamohaj niekalkich artykułaŭ KK. Samy vidavočny — artykuł 128, złačynstvy suprać biaśpieki čałaviectva.

Da takich złačynstvaŭ adnosiać: niezakonnaje ŭtrymańnie ŭ niavoli, vykradańnie ludziej ź ich źniknieńniem, katavańni i žorstkaść, ździejśnienyja ŭ suviazi z nacyjanalnaj, etničnaj prynaležnaściu, palityčnymi pohladami i inš.

Vidavočna, što toje, što zdaryłasia ŭ Irpieni, Hastomieli, Bučy, naŭprost padpadaje pad nazvany artykuł. Dy i adrazu pad niekalki inšych.

Takim čynam, ludzi, jakija ŭčynili takija złačynstvy i nie asudžanyja za ich u inšych dziaržavach, pavinny być pryciahnutyja da kryminalnaj adkaznaści ŭ našaj krainie.

Viadoma taksama, što vajennyja čaści, jakija stajali ŭ Kijeŭskaj vobłaści, mahli vychodzić praz terytoryju Biełarusi ci navat ciapier znachodziacca tut.

Startam dla rasśledavańnia moža słužyć zajava ŭkrainskich uładaŭ ab identyfikacyi numaroŭ i nazvaŭ častak, jakija stajali ŭ Irpieni i Bučy, — vidavočna, što biełaruskija vajennyja i ŭłady dobra viedajuć, chto z rasijan ciapier staić na našaj ziamli.

Biełaruski SK, prakuratura i inšyja orhany, zhodna z patrabavańniami Kryminalna-pracesualnaha kodeksa, pavinny tut ža zavieści kryminalnuju spravu i pryniać miery.

Heta ž nie jaki-niebudź kradziež pieŭnia ci rovara ŭ vioscy, a mižnarodnyja złačynstvy, jakija niasuć niebiaśpieku ŭsiamu čałaviectvu. Ad takich złačynstvaŭ bolš za ŭsie pakutavali mienavita biełarusy ŭ časy Vialikaj Ajčynnaj vajny, što, darečy, i abumoviła źjaŭleńnie hetych artykułaŭ u našym Kryminalnym kodeksie. 

Ja liču, što sprava honaru dla ajčynnych siłavikoŭ — pačać pravierku, aprasić vajennasłužačych tych častak, jakija vyjšli z terytoryi Ukrainy, zavieści kryminalnyja spravy i pryciahnuć da adkaznaści vinavatych.

Darečy, papularnaje ŭ siecivie videa z Mazyrskaha ofisa SDEK, na jakim rasijskija vajennyja adpraŭlajuć niekudy vielizarnuju kolkaść majomaści, u sumie z zajavami srodkaŭ masavaj infarmacyi taksama moža słužyć padstavaj dla pačatku kryminalnaj spravy z adsyłkaj da častki 3 artykuła 6 KK:

advolnaje i maštabnaje prysvajeńnie majomaści, nie vyklikanaje vajennaj nieabchodnaściu, taksama źjaŭlajecca vajennym złačynstvam.

Vinavatyja pavinny być pryciahnutyja da adkaznaści našymi hieraičnymi siłavikami, jakija absalutna nieciarpimym da vajennych złačynstvaŭ i masštabna rasśledujuć ciapier anałahičnyja padziei Druhoj suśvietnaj vajny ŭ častcy złačynstvaŭ suprać biełarusaŭ, — iranizuje prakuror. — 

I heta sprava nie tolki žadańnia ci niežadańnia, a jašče i abaviazak orhanaŭ kryminalnaha pieraśledu. Nahod i padstaŭ zhodna z Kryminalna-pracesualnym kodeksam chapaje. Ihnaravańnie takich złačynstvaŭ — samo pa sabie złačynstva». 

Cieły sa znakami katavańniaŭ, trupy na vulicach, brackija mahiły. Rasijskija vojski pakinuli na Kijeŭščynie strašnyja ślady

• 101
• 0
• 8
• 1
• 4
• 5
• 5
• 0