Jaho ŭtvaryli biełaruskija aficery pry padtrymcy Uzbrojenych siłaŭ Ukrainy «dla abarony niezaležnaści i terytaryjalnaj cełasnaści Ukrainy, a taksama z metaj stvareńnia asnovy dla novaj prafiesijnaj biełaruskaj armii», — havorycca ŭ paviedamleńni pra stvareńnie.
Rekrutynhavy centr pałka «Pahonia» raźmieščany ŭ Varšavie. Pieravahu addajuć mužčynam va ŭzroście ad 20 da 40 hadoŭ, jakija majuć dośvied vajskovaj słužby.
Taksama razhladajucca kandydaty z dobrym uzroŭniem fizičnaj padrychtoŭki, spartoŭcy. Paśla kursa vajskovaj padrychtoŭki ŭsie kandydaty padpisvajuć kantrakt i atrymlivajuć aficyjny status vajskoŭca Internacyjanalnaha lehijona USU.
Padrychtoŭka ažyćciaŭlajecca pad kiraŭnictvam vopytnych biełaruskich i ŭkrainskich instruktaraŭ. Kantrakt praduhledžvaje akład i strachoŭku žyćcia i zdaroŭja, pišuć u paviedamleńni.
Kamientary