Śpiavačka Viera Brežnieva źjechała z Rasii i dapamahaje ŭkrainskim biežancam u Polščy
40-hadovaja Viera Brežnieva — ukrainka, uradženka horada Kamienskaje (raniej Dniepradziaržynsk) Dnieprapiatroŭskaj vobłaści. Viadomaść nabyła jak salistka hurta «VIA Hra», doŭhi čas žyła i budavała karjeru ŭ Rasii. Adrazu paśla pačatku vajny Rasii suprać Ukrainy pakinuła krainu i asudziła dziejańni rasijskich uładaŭ. Ciapier Brežnieva znachodzicca ŭ Polščy i dapamahaje ŭkrainskim uciekačam, piša UNIAN.
Skryn instagram.com/ververa/
«Unačy mnie śnilisia tanki, vybuchi i razburanyja damy. Chaciełasia vieryć, što heta son, ale ja pračnułasia, a realnaść va Ukrainie jašče strašniejšaja», — raskazała śpiavačka.
U siabie ŭ Instagram jana paviedamiła, što pryjechała ŭ Polšču sa svajoj dačkoj. Viadoma, što ciapier artystka ŭ Centry dapamohi zajmajecca zboram humanitarnaj dapamohi dla biežancaŭ pa ŭsioj Jeŭropie.
«Hetaja praca nie apłačvajecca, ale jana akramia stomlenaści prynosić vielmi vialikuju karyść», — adznačaje Brežnieva, adznačajučy, što «my ciapier usie razam prachodzim vyprabavańnie na čałaviečnaść».
«Vałanciorstva ŭ roznych prajavach — heta čaściej za ŭsio niaŭdziačnaja praca. Nie čakajcie padziaki, kali jość paryŭ — rabicie, kali niama — inšaj matyvacyi nie isnuje. Tamu kali rabić, to prosta ščyra. Ja tak rablu prosta tamu, što nie mahu inakš», — dadała zorka.
Raniej Viera raspaviadała, što ŭ Kijevie pad abstrełami znachodzilisia členy jaje siamji, u pryvatnaści muž (jana zamužam za pradziusaram Kanstancinam Mieładze) i maci.
Śpiavačka zaklikała rasijan spynić vajnu, choć, pa jaje słovach, raniej nie adździalała ukraincaŭ ad ruskich.
Što za studentka Uljana, ź jakoj na bali valsiravaŭ Łukašenka?18
Kamientary