«Aŭtar u turmie, a hieroi jahonyja prabralisia na volu». Štotydzień vychodziać mulciki ź vieršami Andreja Skurko
Andrej Skurko — palitviazień, vybitny aŭtar i redaktar. Pa nadumanym abvinavačvańni jon i hałoŭny redaktar «Našaj Nivy» Jahor Marcinovič, jak i dziasiatki inšych niezaležnych žurnalistaŭ, znachodziacca za kratami. Ciapier nad imi prachodzić sud.
Vieršy, što Andrej Skurko ŭ listach dasyłaje svajmu synu Tamašu, stali sapraŭdnaj padziejaj biełaruskaj dziciačaj litaratury.
Štosieradu jutub-kanał «Bejbus» publikuje Andrejevy vieršy z cudoŭnaj animacyjaj.
Vierš hetaha tydnia čytaje Zoja Biełachvościk.
Andrej vielmi dziakuje artystam i ŭsim cudoŭnym ludziam, jakija spryčynilisia da źjaŭleńnia aŭdyjaknižki. Heta sapraŭdy cud našych časoŭ: aŭtar za ścienami Vaładarki, a hieroi jahonyja prabralisia na volu i žyvuć ščaślivym žyćciom (siońniašnija viasiołyja hieroi — heta dobry voŭk, maleńki barsučok, kot i myški-charysty)», — napisała ŭ Facebook Paŭlina Skurko, žonka Andreja.
Praces nad hałoŭnym redaktaram «Našaj Nivy» Jahoram Marcinovičam i Andrejem Skurko pačaŭsia 28 lutaha. Jon prachodzić ŭ sudzie Zavodskaha rajona Minska. Našaniŭcam pahražaje da piaci hadoŭ kałonii.
Kamientary