U rasparadžeńnie paryžskaha vydańnia Le Figaro trapiła infarmacyja pra źmiest učorašnich pieramovaŭ pamiž Makronam i Pucinym. Hazieta śćviardžaje, što Makron płanavaŭ abmierkavać z prezidentam Rasii ŭ tym liku i mahčymuju «finlandyzacyju» Ukrainy.
Heta niešta padobnaje na toje, što zrabili paśla Druhoj suśvietnaj vajny ź Finlandyjaj. Z adnaho boku, jana zastałasia niezaležnaj dziaržavaj i častkaj zachodniaha śvietu, ale pry hetym nie ŭstupała ŭ NATA, nie ŭdzielničała ŭ pracesach jeŭrapiejskaj intehracyi, a zamiežnuju palityku pravodziła z ahladkaj na Maskvu.
Mahčymaja «finlandyzacyja» ŭ vypadku jaje pryniaćcia začynić, prynamsi na niejki čas, Ukrainie šlach u ES i ŭ NATA, a samu krainu pakinie ŭ značnaj stupieni ŭ arbicie ŭpłyvu Rasii.
Kamientujučy ŭ svaim telehram-kanale hetuju infarmacyju, historyk i palityčny ahladalnik Alaksandr Frydman piša:
«A Biełaruś? Pra Biełaruś Le Figaro nie piša. Kali ž, adnak, Paryž sapraŭdy padrychtavaŭ Ukrainie rolu «Finlandyi», to budučynia Biełarusi pavinna vyhladać jašče bolš sumna: jana moža być prosta pryznanaja zonaj upłyvu Rasiei i addadzienaja na vodkup Kramlu. U kantekście publikacyi Le Figaro asablivy sens nabyvajuć słovy Makrona pra jadziernuju zbroju i rasijskija vojski ŭ Biełarusi: pytańni, jakija cikaviać Zachad, Paryž nastrojeny vyrašać vyklučna z Maskvoj.
Varta adznačyć, što pakul havorka idzie tolki pra hazietnuju publikacyju, a administracyja Makrona jaje nie kamientuje. Publikacyja Le Figaro vyhladaje, adnak, praŭdapadobna: prajekt rašeńnia hałoŭnaha jeŭrapiejskaha kanfliktu adlustroŭvaje palityčny styl Makrona, jaki ličyć siabie lidaram ES, i pavinien dapamahčy jamu atrymać pieramohu na prezidenckich vybarach, jakija majuć adbycca ŭ krasaviku. Heta, darečy, nie pieršy jeŭrapiejski prajekt Makrona, ale pakul usie jany zakančvalisia ahłušalnym pravałam.
U vypadku «finlandyzacyi» asnoŭnaj prablemaj dla Paryža stanie, adnak, pazicyja Kijeva, jaki vidavočna nie pojdzie na hety varyjant, i Maskvy, dla jakoj «finlandyzacyja» stanie chutčej nie pieramohaj, a ŭsio-taki parazaj».
Čytajcie taksama:
Čamu Makron havoryć z Pucinym pra Biełaruś?
«Łukašenku dali zrazumieć, što jon — adna ź fihuraŭ u vialikaj hulni». Jak źviazany «siryjski kiejs» ź pieramovami ŭ Maskvie
Prapahandysty zajavili pra razhrom sietki salidarnaści i aryšt jaje ŭdzielnikaŭ8
Kamientary