Pucin i Makron praviali ŭ Maskvie vialikuju sustreču, na jakoj abmiarkoŭvali ŭ tym liku i Biełaruś, u pryvatnaści, pytańnie raźmiaščeńnia ŭ našaj krainie rasijskaj jadziernaj zbroi. Ale čamu pra heta Jeŭropa razmaŭlaje nie z Łukašenkam? Razvažaje palitołah Valer Karbalevič.
«Asnoŭnaja tema sustrečy była, kaniečnie, nie Biełaruś, a situacyja vakoł Ukrainy. I tut pakazalny kamientaryj Piaskova, sens jakoha ŭ tym, što damaŭlacca treba nie z Francyjaj, a z ZŠA. Bo Rasija ličyć siabie vialikaj dziaržavaj i damaŭlacca choča z roŭnym siabie, z Amierykaj. Sustreča ž z Makronam — heta praciah zvyčajnych dvuchbakovych adnosin, heta pieršaje.
Druhoje — Rasija choča ŭnieści raskoł u zachodni adziny front. Tamu achvotna sustrakajecca z premjeram Vienhryi, jaki maje svoj pohlad, tamu sustrakajecca z Makronam, bo Francyja ž taksama pretenduje na asablivuju rolu ŭ NATA. I čamu ž nie pasprabavać raźbić hety adziny jeŭrapiejski front?
A Biełaruś zhadvałasia prosta bokam. Kali budzie damova ab deeskałacyi, to vyvad rasijskich vojskaŭ ź biełaruskaj terytoryi łahična vyciakaje z hetaha. Kali Rasija hatovaja iści pa hetym šlachu, to vojski vyviaduć. Kali nie — to pytańnie zaviśnie.
Ale ž tut jość inšy momant: sioleta zapłanavana kala 20 sumiesnych biełaruska-rasijskich vajskovych mierapryjemstvaŭ. Tamu mahčyma, što adny vučeńni skončacca, pačnucca inšyja, na inšych palihonach i ź inšaj technikaj. I vojski buduć vyvodzić, paśla ŭvodzić novyja, adpaviedna, pastajannaja prysutnaść rasijskich vajskoŭcaŭ u Biełarusi praciahniecca».
Ale Łukašenka apošnim časam sam pastajanna vykazvajecca i pra sumiesnyja biełaruska-rasijskija vajennyja dziejańni ŭ vypadku «napadau Ukrainy na Danbas», i pra rasijskuju jadziernuju zbroju na terytoryi Biełarusi. Navošta?
«Jon musić demanstravać svaju łajalnaść i patrebnaść Pucinu, — tłumačyć analityk. — Dla taho jon i biažyć napieradzie paravoza, kaža pra toje, pra što nie rašyŭsia b kazać sam Pucin: pra jadziernuju zbroju, pra vajnu. Rasija ž na aficyjnym ŭzroŭni adniekvajecca ad mahčymaj vajny, Łukašenka kaža trochi inšaje. Jon imkniecca mienavita dakazać svaju patrebnaść Maskvie, i robci heta tak, jak umieje.
Ale samastojnaść Łukašenki źmianšajecca, biezumoŭna, i vyrašać, ci budzie ŭ Biełarusi rasijskaja jadziernaja zbroja, budzie zusim nie jon. Ale ja nie vielmi surjozna ŭsprymaju hetuju ideju i nie dumaju, što Rasija na heta pojdzie».
Čytajcie taksama:
«Łukašenku dali zrazumieć, što jon — adna ź fihuraŭ u vialikaj hulni». Jak źviazany «siryjski kiejs» ź pieramovami ŭ Maskvie
-
U zachodniaj navucy raście cikavaść da Biełarusi. Ale ź pieraškodaŭ nie tolki matroški dy čaburaški
-
Volha Łojka: Usio idzie da taho, što Biełaruś nie daviadziecca dałučać siłaj — jana sama ŭpadzie ŭ ruki Rasii
-
Čamu Łukašenka choča ŭziać udzieł u pieramovach pa Ukrainie i jakich harantyj biaśpieki paprosić?
Prapahandysty zajavili pra razhrom sietki salidarnaści i aryšt jaje ŭdzielnikaŭ10
Kamientary