Siamiejnuju paru z Hrodna pakarali za ŭdzieł u vieraśnioŭskim maršy 2020 hoda vialikimi terminami. Žančyna — dačka viadomaha adepta Łukašenki
U sudzie Hrodna vyniesieny prysud pa kryminalnaj spravie ŭ dačynieńni da jurystki Aleny Jahoryčavaj i ślesara Ihara Paźniakova. Palitviaźniaŭ abvinavačvali ŭ dziejańniach, jakija hruba parušajuć hramadski paradak (č.1 art. 342 KK) i hvałcie albo pahrozie prymianieńnia hvałtu ŭ dačynieńni da supracoŭnika orhanaŭ unutranych spraŭ (art. 364 KK), piša «Viasna».
Pavodle abvinavačvańnia, muž i žonka ŭdzielničali ŭ maršy 6 vieraśnia 2020 hoda, dzie, «natchniajučy svaimi pavodzinami inšych, stanavilisia ŭ «sčepku», demanstrujučy svoj namier akazvać vidavočnaje niepadparadkavańnie supracoŭnikam milicyi».
Alenu taksama abvinavačvali ŭ hvałcie ŭ dačynieńni da amapaŭca — nibyta jana «naniesła nie mienš za adzin udar u vobłaść tvaru i šyi, paśla čaho ažyćciaviła zachop pravaj rukoj za masku i šyju paciarpiełaha, pryčyniŭšy jamu fizičny bol i paboi».
Sudździa Vital Łabocki prysudziŭ Iharu 2,5 hoda «chimii», a Alenie — 2,5 hoda kałonii.
Niezvyčajnaje ŭ hetaj, na žal, nibyta samaj zvyčajnaj pa siońniašnim časie spravie toje, što baćka Aleny — Uładzimir Jahoryčaŭ. Jon historyk, vykładčyk Hrodzienskaha dziaržaŭnaha ŭniviersiteta, ale najbolš viadomy nie tolki ŭ Hrodnie, ale i va ŭsioj Biełarusi jak apałahiet Stalina i prychilnik Łukašenki.
U 2014 hodzie mienavita Uładzimir Jahoryčaŭ razam z kaleham pa ŭniviersitecie Vadzimam Chilutam pravodziŭ ekśpiertyzu «na ekstremizm» knihi pravaabaronca Alesia Bialackaha «Aśviečanyja Biełaruščynaj». Tady ŭ zaklučeńni Jahoryčaŭ i Chiluta adznačyli, što kniha Bialackaha moža nanieści škodu Respublicy Biełaruś albo krainam-členam Mytnaha sajuza.
Maładuju supracoŭnicu «Pielenha» aryštavali za «zakliki da naniasieńnia škody Biełarusi». Joj pahražaje da 12 hadoŭ3
Kamientary