U Kanhres ZŠA ŭnieśli zakonaprajekt ab sankcyjach suprać najbližejšaha atačeńnia Pucina

Člen Pałaty pradstaŭnikoŭ ZŠA respublikaniec Džym Benks unios zakonaprajekt ab sankcyjach suprać vysokapastaŭlenych rasijan z najbližejšaha atačeńnia prezidenta RF Uładzimira Pucina. Na sajcie Kanhresa ZŠA dakumient jašče nie źjaviŭsia, ale ŭ čaćvier, 20 studzienia, jaho apublikavała amierykanskaja hazieta The Washington Post.

Suaŭtarami zakonaprajekta vystupili 38 kanhresmienaŭ. Jany prapanujuć abviaścić RF «dziaržavaj — sponsaram teraryzmu» i pryznać uzbrojenyja farmavańni na Danbasie, jakija padtrymlivajucca Rasijaj, zamiežnaj terarystyčnaj arhanizacyjaj.

Akramia taho, dakumient praduhledžvaje sankcyi suprać hazapravoda «Paŭnočny patok — 2». Havorka idzie pra štrafnyja miery ŭ dačynieńni da kampanij, źviazanych z płanavańniem, budaŭnictvam i techabsłuhoŭvańniem hazapravoda. Zakanadaŭčaja inicyjatyva taksama ŭklučaje sankcyi suprać rasijskaha dziarždoŭhu i zabarona adpaviednych apieracyj dla zamiežnikaŭ. 

Adnačasova aŭtary zakonaprajekta prapanoŭvajuć uvieści štrafnyja miery ŭ dačynieńni da 35 čałaviek, nabližanych da Uładzimira Pucina, pradstaŭnikoŭ dziaržaŭnaj ułady i biznesoŭcaŭ, jakija byli ŭ prapanavanym kamandaj Alaksieja Navalnaha hod tamu śpisie.

Siarod inšych havorka idzie pra aliharchaŭ Ramana Abramoviča, Ališera Usmanava, Aleha Dzierypasku, Hienadzia Cimčanku, namieśnika prezidenta VTB, syna dyrektara FSB Dzianisa Bortnikava, kiraŭnika «Hazprama» Alaksieja Milera, dyrektara «Rasnafty» Ihara Siečyna, kiraŭnika VTB Andreja Kościna i kiraŭnika VEB Ihara Šuvałava.

Akramia taho, sankcyi mohuć być uviedzienyja suprać premjer-ministra Rasii Michaiła Mišuścina, pres-sakratara Kramla Dźmitryja Piaskova, kiraŭnika FSB Alaksandra Bortnikava, sakratara Savieta Biaśpieki Mikałaja Patrušava, mera Maskvy Siarhieja Sabianina, kiraŭnika Śledčaha kamiteta Alaksandra Bastrykina, kiraŭnika Administracyi prezidenta Antona Viajne, jaho pieršaha namieśnika Siarhieja Kiryjenki, kiraŭnika CVK Eły Pamfiłavaj i dyrektara Rashvardyi Viktara Zołatava.

U śpisie taksama fihurujuć hiendyrektar Pieršaha kanała Kanstancin Ernst, tele - i radyjoviadučy Uładzimir Sałaŭjoŭ i hałoŭny redaktar telekanała Russia Today Marharyta Simańjan.

The Washington Post adznačaje, što aŭtary dakumienta prapanujuć uvieści novyja sankcyi da mahčymaha ŭvarvańnia RF va Ukrainu i nie čakać jaho ažyćciaŭleńnia.

Napiaredadni stała viadoma, što prezident ZŠA Džo Bajden pryhraziŭ Rasiei katastrafičnymi sankcyjami ŭ vypadku novaha ŭvarvańnia va Ukrainu. 

Čytajcie taksama:

Bajden zajaviŭ ab sankcyjach, jakija «Pucin nikoli nie bačyŭ»

Bajden: Złučanyja Štaty buduć rašuča reahavać, kali Rasija praciahnie ŭvarvańnie va Ukrainu

Sienat ZŠA adkryŭ, što źbirajecca rabić, kali Rasija napadzie na Ukrainu

• 0
• 0
• 0
• 0
• 0
• 0
• 0
• 0