«Tamu što ŭ Biełarusi prykalist pavinien być adzin». Słava Kamisaranka źjechaŭ va Ukrainu. Jaho papiaredzili, što KDB moža jaho vykraści
«Mianie abjaviła ŭ vyšuk biełaruskaje KDB», — zajaviŭ Słava Kamisaranka na kancercie ŭ Kijevie. Videa ź jaho jon vykłaŭ siońnia na svaim kanale.
«Vy dumajecie, napeŭna, za što? Za žarty. Ujaŭlajecie? Tak, u zvyčajnych krainach śpiecsłužby łoviać terarystaŭ, a ŭ Biełarusi — prykalistaŭ. Tamu što ŭ Biełarusi prykalist pavinien być adzin», — pažartavaŭ jon.
Słava Kamisaranka skazaŭ, što ciapier jon u biaśpiecy, źjechaŭ va Ukrainu.
Jon raspavieŭ, jak daviedaŭsia pra niebiaśpieku. Jamu napisaŭ čałaviek, «źviazany z pratestami».
«Na žal, jość infarmacyja z vartych davieru krynic, što vas źbirajucca vykraści ŭ Maskvie i vyvieźci na mašynie ŭ Biełaruś. Prajavicie aściarožnaść».
«I ja taki: prajavicie aściarožnaść? Byccam mnie nie ad KDB treba biehčy, a nieści haračuju harbatu. Ja nie viedaju, jak treba prajavić aściarožnaść, kab ciabie KDB nie ŭziaŭ. Kab jany stajali takija: «Ja nie razumieju, heta Kamisaranka ci kust rečy ŭ bahažnik hruzić?»».
«Ja napisaŭ hetamu čałavku, — praciahvaje Kamisaranka. — Niaŭžo ich nie spynić toje, što ŭ mianie ŭžo jość rasijski pašpart?»
«Ja dumaju, jany hetaha nie viedajuć, — adkazaŭ toj. — Chutčej za ŭsio, jany pahladzieli vaša intervju Dudziu i zrazumieli, što ŭ vas niama rasijskaha pašparta».
«Jak ja vydatna na intervju schadziŭ», — kaža Kamisaranka. U intervju Juryju Dudziu jon raspavioŭ, što jon kupiŭ kvateru na Arbacie i što choča atrymać rasijski pašpart.
«Jon ža [Dudź] tam hadzinu kaža, to-bok rasijskaha pašparta ŭ ciabie niama, to-bok atrymaješ ty jaho niachutka, to-bok aptymalna chapać ciabie prama ciapier?» — žartuje Kamisaranka.
«I biełaruskaje KDB takoje: tak, pajechali. Tut 850 km, my da viečara jaho ŭžo pryviaziom».
Na pytańni znajomych, ci vieryć Kamisaranka u scenaryj vykradańnia, jon adkazvaŭ: «Jany samalot pasadzili, a mianie ŭ bahažnik nie zmohuć pakłaści?»
«Vy pamiatajecie, nad Biełaruśsiu pasadzili samalot, nad Biełaruśsiu ciapier nichto nie lotaje, tamu što ŭ nas prezident avijapirat. Biełavija ciapier pieršaja ŭ śviecie piešachodnaja avijakampanija. Vyžyvaje čysta z-za aŭtobusaŭ da samalotaŭ», — kpić Kamisaranka.
Vykazaŭsia Słava i pra pasadku samalota RyanAir — jak terarysty prysłali paviedamleńnie ab zachopie samalota na elektronnuju poštu.
«Nu čysta ŭ styli terarystaŭ, na poštu pisać. Tam jašče tema lista, napeŭna, była «Niepryjemnaść na borcie». Ja ŭ heta pavieryć nie moh. Surjozna? Heta vaša najlepšaja viersija? Kali heta vaša najlepšaja viersija, ja b chacieŭ pasłuchać tyja, jakija vy nie ŭziali.
Pieršaja viersija. Piłot zachacieŭ «papisiać», a prybiralni byli zaniatyja?
Druhaja viersija. Samalot sieŭ tamu, što stamiŭsia? I treciaja: tamu što terarysty napisali na poštu. Škada, što nielha ŭziać usie try».
Kamisaranka adznačyŭ u vystupie, što nie zrazumieŭ, čamu mienavita ciapier na jaho razzłavalisia biełaruskija siłaviki:
«Mahčyma, ich razzłavała hutarka ŭ Dudzia, mahčyma, moj solny kancert, ja hetaha nie viedaju. Ale voś vam cikavy fakt.
Kali ŭ mianie vyjšaŭ kancert, jon patrapiŭ na pieršaje miesca ŭ trendach Youtube, a ŭ hety čas u Łukašenki vyjšła intervju dla VVS. I jano było na 8-m miescy ŭ trendach. Na pačatku hoda ŭ mianie vyjšaŭ manałoh pra Čyk-čyryka, a ŭ Łukašenki — navahodniaje vinšavańnie. I manałoh byŭ na pieršym miescy, a vinšavańnie — na 7-m. I štości mnie padkazvaje, narod, što Łukašenka nienavidzić mianie jak jutubier jutubiera».
Komik raspavioŭ, što znajomy jamu paraiŭ naniać pryvatnaje achoŭnaje pradpryjemstva, kab, kali napaduć kadebešniki, achoŭniki jaho adbili.
«Ja b nikoli nie advažyŭsia, ale mnohaje b addaŭ, kab na heta pahladzieć. Samaje hałoŭnaje — nie pačać dumać: najmu dziesiać «čopaŭ» i pajdu ŭ ataku sam », — śmiajecca Kamisaranka.
Jon pažartavaŭ, što na samaj spravie, pierachapiŭ pieramovy Majka i Nika.
«Da viečara dastavim jaho ŭ Minsk, ale heta budzie niaprosta, tamu što Kamisaranka akazaŭsia mocnym areškam. Tak, jaki jon pryhožy i seksualny. I zdajecca, ciapier ni z kim nie sustrakajecca», — začytvaje komik vydumany dyjałoh.
Pakul Kamisarenka spyniŭsia ŭ Kijevie.
«Da biełarusaŭ usiudy staviacca dobra. Ich nie lubiać tolki ŭ Biełarusi», — kaža jon.
U siabie ŭ Instagram Kamisaranka dadaŭ, što «zjechaŭ, jak akazałasia, nie darma, kdbšniki mabyć stamilisia chadzić u pošukach mianie pa Arbacie, i vyrašyli mnie patelefanavać. Telefanavali, pisali smski, praŭda, zajści da mianie ŭ Instagram, kab ubačyć dziesiać afiš z Kijeva i zrazumieć, što ja nie ŭ Maskvie, nie zdahadalisia. Mnie spatrebiŭsia niejki čas, kab napisać pra hetyja padziei žarty, tak by raspavioŭ usio krychu raniej. Vieru, što ŭsio budzie dobra, jak zaŭsiody vieryŭ da hetaha!».
«Razvučycca žartavać abo pacisnuć ruku Łukašenku?» — «Razvučycca žartavać». Komik Słava Kamisaranka daŭ intervju Dudziu
«Usie vašy mary pavinny być uzhodnienyja z administracyjaj rajona». Jak u Biełarusi karajuć za žarty
Apublikavanyja dekłaracyi kandydataŭ u prezidenty. Kolki ŭ Łukašenki, a kolki ŭ astatnich?20
Kamientary