Kaniec historyi pra sudovych vykanaŭcaŭ i Čyža: były aliharch pryznaŭ doŭh, a raźlik praviali pa chitraj schiemie
Skončyłasia historyja, z-za jakoj dadomu da byłoha aliharcha Juryja Čyža prychodzili sudovyja prystavy i apisvali majomaść. U vyniku Čyž pryznaŭ doŭh pierad byłym mieniedžaram «Trajpła» Mikałajem Čukisavym i raźličyŭsia. «Naša Niva» daviedałasia padrabiaznaści.
Hetaja historyja pačałasia ŭ 2015 hodzie. Tady Juryj Čyž i jaho siabar Uładzimir Japryncaŭ vyrašyli pradać mytnuju kampaniju «Askarhaterminał», jakaja akazvała mytnyja pasłuhi ŭ aeraporcie «Minsk». Było padobna, što bieź inviestycyj kampanija pačnie hienieravać straty.
Pradavać kampaniju daručyli tahačasnamu ŭpraŭlajučamu «Askarhaterminał» Mikałaju Čukisavu. Jak stała potym viadoma, na słovach Čukisaŭ damoviŭsia ź Japryncavym, što pry ŭdałym praviadzieńni ździełki hrošy padzielać na traich, piśmovaj damovy nie składali. Akcyi pradali ŭ 2015-m za paŭmiljona dołaraŭ.
Ale ŭžo praz hadzinu paśla padpisańnia dakumientaŭ Japryncava aryštavali pa zajavie Čyža. U vyniku dva biznesmieny zastalisia vinnyja Čukisavu bolš za sto tysiač dalaraŭ. Ale japryncaŭskuju častku hrošaj za pradadzienyja akcyi źniaŭ z rachunka i patraciŭ Čyž. Čukisaŭ u vyniku nie atrymaŭ ničoha.
Historyja praciahnułasia ŭ 2019-m hodzie. Tady Japryncaŭ zapatrabavaŭ z Čyža svaju dolu. A potym pieradaŭ Čukisavu prava patrabavać hety doŭh. Toj im skarystaŭsia.
Sud pastanaviŭ spahnać z Čyža srodki. Spačatku jon jurydyčna abaraniaŭsia, ale potym trapiŭ u izalatar. Na hety čas sud užo nakłaŭ zabaronu na apieracyi z domam Čyža ŭ Łahožasku da momantu pahašeńnia doŭha.
Potym sudovyja vykanaŭcy pryjšli apisvać majomaść Čyža. Jany źjaŭlalisia ŭ jaho ŭ Łahožasku nie adzin raz. My pisali pra toje, što davieranyja asoby byłoha aliharcha nie puskali vykanaŭcaŭ na terytoryju, spuskali sabak i čaplalisia da jurydyčnych drobiaziaŭ.
Čytajcie taksama: Majomaść Čyža znoŭ nie vynieśli: pieršy raz vykanaŭcaŭ napałochali sabaki, druhi raz — rabotniki «Trajpła»
Jak paviedamili krynicy «Našaj Nivy», ciapier epapieja skončyłasia: Čyž zastajecca sa svajoj majomaściu, bo ŭ vyniku pryznaŭ doŭh pierad Čukisavym.
Praŭda, schiema akazałasia mudrahielistaj, bo Čukisaŭ sam byŭ vinien «Trajpłu» prykładna tuju ž samuju sumu, što i «Trajpł» jamu. Ale Čukisaŭ płaciŭ.
U vyniku, u kastryčniku «Trajpł» pradaŭ doŭh Čukisava niejkamu hramadzianinu Rasii, spadaru Citovu, a zatym Citoŭ sastupiŭ prava spahaniać doŭh Čyžu.
Potym jurysty «Trajpła» chadajničali ab zamienie spahanialnika i praviadzieńni ŭzajemaraźliku pamiž Čyžom i Čukisavym. Inšymi słovami, jany ciapier ničoha adzin adnamu nie vinnyja. Uzajemazalik praviali ŭ apošni dzień 2021 hoda.
Imavierna, pryznać doŭh Čyža zmusili składanyja žyćciovyja abstaviny, u jakich jon znachodzicca, i jakija patrabujuć ad jaho zakryćcia ŭsich svaich finansavych abaviazkaŭ.
Nahadajem, Juryja Čyža zatrymali 15 sakavika minułaha hoda. Za što kankretna, nieviadoma, ale voś užo amal dziesiać miesiacaŭ jon znachodzicca za kratami.
Juryj Čyž — niekali samy ŭpłyvovy i nabližany da Łukašenki biznesoviec Biełarusi, čyj biznes ciapier faktyčna pierastaŭ isnavać. «Trajpł» pryznany bankrutam, a pa kampiensacyju daŭhoŭ staić čarha.
Čytajcie taksama: Krynicy: Čyža kašmarać, bo ličać, što jon schavaŭ miljardy, jakija treba viarnuć u Biełaruś
«Ja taja jašče pamidorka». Što Ihar Tur piša ŭ telehram-čatach sa svajho asnoŭnaha akaŭnta10
Kamientary