Kiraŭnik Sajuza jeŭrapiejskich futbolnych asacyjacyj (UEFA) Alaksandr Čefieryn daŭ intervju bielhijskamu Politico. U im była zakranutaja situacyja ŭ Biełarusi i taja krytyka, jakaja abrynułasia na Čefieryna z-za rašeńnia UEFA dać Biełarusi prava na praviadzieńnie finalnaha turniru siarod žančyn da 19 hadoŭ u 2025 hodzie.
Adkazvajučy na heta, Čefieryn padkreśliŭ, što «Biełaruskaja fiederacyja futboła nie maje nijakaha dačynieńnia da režymu Alaksandra Łukašenki i niastomna sprabuje prasoŭvać žanočy futboł».
Razam z tym situacyju ŭ Biełarusi kiraŭnik UEFA nazvaŭ «žachlivaj».
«Kali b demakratyja ŭ 2025 hodzie tam była na tym uzroŭni, na jakim jana znachodzicca siońnia, było b absalutna niemahčyma pravieści turnir u Biełarusi. Kali tak budzie praciahvacca, my prosta nie zmožam tudy pajechać», — kanstatavaŭ Čefieryn.
Funkcyjanier padkreśliŭ, što UEFA sočyć za situacyjaj u Biełarusi, i, choć u jaho niama kankretnaha krajniaha terminu dla pryniaćcia rašeńnia, hetaje pytańnie budzie abmiarkoŭvacca na kanhresie ŭ mai 2022 hoda ŭ Vienie.
Kamientary