Viarchoŭny sud Rasii pryniaŭ rašeńnie ab likvidacyi «Mižnarodnaha Miemaryjału». Z chadajnictvam ab likvidacyi ŭ sud źviarnułasia Hienprakuratura. Viedamstva patłumačyła svaje dziejańni tym, što «Mižnarodny Miemaryjał» nieadnarazova parušaŭ patrabavańni zakanadaŭstva ab «zamiežnych ahientach».
Na vynikovym pasiadžeńni pradstaŭnik Hienprakuratury zajaviŭ, što arhanizacyja «stvaraje chłuślivy vobraz SSSR jak terarystyčnaj dziaržavy, abialaje i reabilituje nacysckich złačyncaŭ».
Pradstaŭniki «Mižnarodnaha Miemaryjału» pretenzii Hienprakuratury adkidali, padkreślivajučy, što zakonnych padstavaŭ dla likvidacyi arhanizacyi niama, piša meduza.io.
Staršynia praŭleńnia «Mižnarodnaha Miemaryjału» Jan Račynski paśla vyniasieńnia rašeńnia padkreśliŭ, što arhanizacyja budzie abskardžvać jaho, i ŭ vypadku nieabchodnaści źvierniecca ŭ JESPČ. Jon taksama adznačyŭ, što da razhladu apielacyi nijakich źmienaŭ u pracy nie adbudziecca.
29 śniežnia Masharsud budzie razhladać anałahičny isk Maskoŭskaj prakuratury ab likvidacyi pravaabarončaha centra «Miemaryjał».
U padtrymku «Miemaryjału» vystupali dziasiatki rasijskich i mižnarodnych arhanizacyj, palitykaŭ, dziejačaŭ navuki i kultury. Siarod ich — łaŭreaty Nobieleŭskaj premii miru, hałoŭny redaktar «Novaj haziety» Dźmitryj Murataŭ i pieršy prezident SSSR Michaił Harbačoŭ.
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3131
Kamientary