Hałoŭnaj padziejaj śviata vioski Budziłaŭka, što na Biahomlščynie, stała adkryćcio pamiatnaha znaka achviaram represij. Heta stała praciaham spravy pa ŭviekaviečańni pamiaci zahinułych ziemlakoŭ, raspačataj vychadcam Budziłaŭki, doktaram histaryčnych navuk, prafiesaram Mikałajem Piečaniem. Mienavita jamu naležyć ideja ŭstanoŭki pomnika i pasadki biarozavaha haju, paviedamlajuć «Rodnyja vytoki».
Ciapier Mikałaj Anatoljevič sabraŭ źviestki ab svaich represavanych rodnych i adnaviaskoŭcach, źjeździŭ u Oršu, pryvioz ziamlu z Kabylackaj hary, dzie ŭ hady represij było rasstralana bolš za 20 tysiač čałaviek.
Unuki i praŭnuki tych, čyje imiony zapisanyja na čornaj plicie, zakłali kapsułu ź ziamloj la padnožža vialikaha kamienia. Paśla paminalnaha nabaženstva, jakoje adsłužyŭ ijerej Alaksiej Kušniarevič, pamiać zahinułych ušanavali chvilinaj maŭčańnia.
Staršynia rajonnaha Savieta deputataŭ Valancina Randarevič ščyra pavinšavała ŭsich prysutnych sa śviatam vioski i vykazała słovy padziaki Mikałaju Piečaniu.
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana10
Kamientary