Makiej zaklikaŭ Zachad vyrašać prablemy ŭ adnosinach ź Minskam na pieramovach
Lubaja śfiera supracoŭnictva ź Biełaruśsiu palityzujecca Zachadam. Pra heta zajaviŭ kiraŭnik MZS Uładzimir Makiej, vystupajučy siońnia ŭ Avalnaj zale Doma ŭrada, piša BiełTA.
Uładzimir Makiej padkreśliŭ, što kankretnyja dziejańni Zachadu pakazvajuć: «Z pravałam uziać z naskoku Biełaruś, jany ŭzialisia za inšyja mietady».
«Ahulnaje šalmavańnie biełaruskaha naroda i dziaržavy stała zvyčajnaj źjavaj na Zachadzie», — skazaŭ ministr.
Pavodle jaho słoŭ, toje, što siońnia adbyvajecca na zachodnim fłanhu Biełarusi, absalutna nie ŭkładvajecca ŭ narmalnuju karcinu mižnarodnych i miždziaržaŭnych adnosin.
«Biessensoŭna sprabavać rastłumačyć heta kłasičnymi paradyhmami, zaviazanymi na prahmatyčnaść, intaresy ludziej, zachavańnie miru i stabilnaści ŭ rehijonach. Usio heta načysta admiatajecca pobač našych tak zvanych partnioraŭ», — kanstatavaŭ Uładzimir Makiej.
Razam z tym, ministr skazaŭ, što prablemy pavinny vyrašacca za stałom pieramovaŭ, piša TASS
Jon dadaŭ, što dalejšaja eskałacyja ŭ adnosinach z Zachadam «ni da čaho dobraha nie pryviadzie», i zaklikaŭ zachodnich partnioraŭ «adumacca».
Scenary destabilizacyi situacyi radykalnymi mietadami realizujucca z metaj pieratvaryć Biełaruś u izhoja, zajaviŭ U. Makiej.
Kamientary