Jeŭrasajuz vyklikaŭ pastajannaha pradstaŭnika Biełarusi pry ES Alaksandra Michnieviča z-za incydentu ŭ Minsku z samalotam kampanii Ryanair. Pra heta havorycca ŭ zajavie zamiežnapalityčnaj słužby ES, raspaŭsiudžanaj u paniadziełak u Bruseli.
«Na prośbu viarchoŭnaha pradstaŭnika Žazepa Barela hienieralny sakratar Jeŭrapiejskaj słužby zamiežnych dziejańniaŭ vyklikaŭ pasła Biełarusi u ES Alaksandra Michnieviča, kab asudzić niedapuščalny krok biełaruskich uładaŭ, što vymusili hramadzianski samalot ździejśnić avaryjnuju pasadku ŭ Minsku i zatrymali jaho pasažyra Ramana Pratasieviča, niezaležnaha biełaruskaha žurnalista i aktyvista», — adznačajecca ŭ tekście.
U dakumiencie tłumačycca, što hienieralny sakratar «pieradaŭ pazicyju ES ab tym, što aburalnyja dziejańni biełaruskich uładaŭ ujaŭlajuć saboj jašče adnu aburalnuju sprobu prymusić zamaŭčać usie apazicyjnyja hałasy ŭ krainie, i zapatrabavaŭ nieadkładnaha vyzvaleńnia spadara Pratasieviča».
«Učorašni nieprymalny akt budzie ŭźniaty na siońniašnim pasiadžeńni Jeŭrapiejskaj rady. ES razhledzić nastupstvy hetych dziejańniaŭ, uklučajučy mahčymyja miery ŭ dačynieńni da vinavatych», — zaklučyła zamiežnapalityčnaja słužba ES.
Dvajniki viadomych biełarusaŭ. I nie kažycie, što nie zadumvalisia pra ich padabienstva11
Dvajniki viadomych biełarusaŭ. I nie kažycie, što nie zadumvalisia pra ich padabienstva
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3030
Kamientary