U Breście pačaŭsia zakryty sud nad invalidam 2-j hrupy Hundaram, fihurantam «spravy Aŭtuchoviča»
12 maja ŭ sudzie Maskoŭskaha rajona Bresta raspačaŭsia kryminalny praces nad baranavickim aktyvistam, fihurantam tak zvanaj «spravy Aŭtuchoviča» 60-hadovym Uładzimiram Hundaram.
Pra heta «Svabodzie» paviedamiła žonka padsudnaha. Sudovy praces prachodzić u zakrytym režymie. Na praces nie zmahli trapić navat rodnyja aktyvista. U budynak sudu na praspekcie Mašerava, 8 jaje nie puścili navat da dźviarej zali, tamu jana staić na vulicy, bačyła, jak na praces pryjechali śviedki.
Uładzimiera Hundara sudziać praz abvinavačańnie ŭ «hvałcie abo pahrozie hvałtu da słužbovaj asoby, jakaja vykonvaje słužbovyja abaviazki».
Pavodle śledztva, 30 śniežnia (u hety dzień byłomu «aŭhancu», invalidu 2-j hrupy Uładzimieru Hundaru vystavili abvinavačańnie pavodle art. 289 Kryminalnaha kodeksu «Akt teraryzmu». — RS) padčas pieratrusu ŭ chacie Hundar nibyta pahražaŭ śledčym i raźbiŭ svoj mabilny telefon.
Pa słovach žonki aktyvista Aleny, hety epizod vyłučyli ŭ asobnuju spravu. Paśla čaho Hundaru vystavili abvinavačańnie pavodle art. 366 KK (Hvałt abo pahroza hvalu ŭ dačynieńni da słužbovaj asoby, jakaja vykonvaje słužbovyja abaviazki, abo inšaj asoby, jakaja vykonvaje hramadzianski abaviazak). Pavodle hetaha artykułu Ŭładzimieru Hunadaru pahražaje da 5 hadoŭ pazbaŭleńnia voli. Pa słovach Aleny, viny jaje muž nie pryznaje.
60-hadovy baranavicki aktyvist i krajaznaŭca Ŭładzimier Hundar, jak i inšyja fihuranty spravy ab padrychtoŭcy teraktu Mikałajem Aŭtuchovičam i Volhaj Majoravaj, niekalki miesiacaŭ pravioŭ u SIZA KDB. Adnak na pačatku krasavika jaho pieraviali ŭ Bieraściejskaje SIZA №7. Adtul praz svaje niešmatlikija listy jon paviedamiŭ žoncy, što mienavita ŭ Bieraści nad im adbudziecca sud pavodle art. 366 KK.
Uładzimier Hundar niekalki hadoŭ tamu pieranios składanuju aperacyju. Jamu amputavali nahu, jon maje hipertaniju i sudzinnaje zachvorvańnie. Aktyvist užo šmat hadoŭ nosić pratez, ale padčas zatrymańnia pravaachoŭniki prymusili jaho źniać. U turmie Ŭładzimier Hundar vymušany pierasoŭvacca na mylicach.
Viarnuŭsia z vajny, uładkavaŭsia ŭ Varšavie, pasvaryŭsia z usimi — i źnik. Pryjacieli pra eks-kalinoŭca Maksima Ralko, jakoha zatrymali ŭ Biełarusi1818
Kamientary