Palicyja kanfiskavała tysiačy kampjutaraŭ, jakija zabiaśpiečvali dziejnaść adnoj z samych niebiaśpiečnych chakierskich sietak śvietu.
Sietka Emotet atrymlivała dostup da kampjutaraŭ inšych ludziej praz škodnyja ŭkładańni ŭ elektronnych listach. Zatym dostup pradavali kibierzłačyncam dla atak škodnym prahramnym zabieśpiačeńniem, piša BBC.
Emotet nazyvajuć samym niebiaśpiečnym botnetam u śviecie za apošniaje dziesiacihodździe.
Nad rasśledavańniem pa spravie Emotet pracavała palicyja Vialikabrytanii, ZŠA, Kanady i krain ES.
Pieršapačatkova Emotet byŭ bankaŭskim trajanam, pryznačanym dla adsočvańnia čužych kampjutaraŭ i kradziažu źviestak karystalnikaŭ. Za apošnija hady dziejnaść sietki značna pašyryłasia. Achviary atrymlivali pa elektronnaj pošcie listy z dakumientam Word. Pry adkryćci treba było aktyvizavać funkcyju «ŭklučyć makrasy», što pradastaŭlała dostup da kampjutara kibierzłačyncam.
Pravaachoŭnym orhanam udałosia ŭziać pad kantrol sierviery Emotet i parušyć pracu sietki, a heta značyć, što złačyncy bolš nie mohuć ździajśniać svaje kibierataki.
Kamientary