Pa vynikach 2020 hoda ekspart pryrodnaha hazu «Hazpramam» u krainy Zachadu skaraciŭsia na 10%. Heta vynikaje sa źviestak ab papiarednich vynikach pracy kampanii ŭ 2020 hodzie, jakija pradstaviŭ kiraŭnik «Hazprama» Alaksiej Miler, piša RBK.
«U krainy dalokaha zamiežža «Hazpram» u 2020 hodzie ekspartavaŭ 179,3 młrd kub. m hazu. Hety vynik u piaciorcy lepšych za ŭsiu historyju kampanii», — paviedamiŭ Miler.
U 2019 hodzie ekspart «Hazprama» ŭ krainy «dalokaha zamiežža» skłaŭ 199,2 młrd kub.m, takim čynam, abjom ekspartnych pastavak staŭ najmienšym z 2016 hoda. Asnoŭnymi pakupnikami rasijskaha hazu ŭ «dalokim zamiežžy» źjaŭlajucca Hiermanija (57,01 młrd kub.m u 2019 hodzie), Italija (22,1 młrd kub. m), Aŭstryja (16,28 młrd kub. m) i Turcyja (15,51 młrd kub. m).
Dakładnyja źviestki pa eksparcie hazu ŭ asobnyja krainy ŭ 2020 hodzie Miler nie padaŭ, adnak adznačyŭ, što letaś dziesiać jeŭrapiejskich dziaržaŭ pavialičyli zakupki ŭ «Hazprama». U ich liku Turcyja, Hrecyja, Bielhija i Danija. Pastaŭki kampanii ŭ Niderłandy i Słavakiju dasiahnuli rekordnych značeńniaŭ.
Vynikovaja statystyka «Hazprama» vyjaviłasia lepšaj za prahnozy, jakija davała kampanija na piku karanavirusnaha kryzisu.
Skaračeńnie abjomu ekspartu rasijskaha hazu źviazanaje sa źnižeńniem popytu na syravinu, vyklikanym pandemijaj. Da pačatku vieraśnia hazavyja schoviščy ŭ Jeŭropie byli zapoŭnienyja bolš jak na 90%. Da kanca śniežnia zapoŭnienaść prykmietna ŭpała — da 74%.
Maładuju supracoŭnicu «Pielenha» aryštavali za «zakliki da naniasieńnia škody Biełarusi». Joj pahražaje da 12 hadoŭ3
Kamientary