«Kali niespraviadlivaść stanovicca zakonam, supraciŭ stanovicca abaviazkam!» — studentcy z hetym płakatam dali 15 sutak
Sud Leninskaha rajonu Bieraścia pakaraŭ studentku Alaksandru Haŭručak 15-ciu sutkami aryštu, piša Radyjo Svaboda.
Na jaje skłali pratakoł pa administracyjnym artykule 23.34.
Alaksandru zatrymali 11 kastryčnika ŭ Bieraści i nakiravali ŭ izalatar časovaha ŭtrymańnia. Jana bieraściejka, ale vučycca na piatym kursie Horadzienskaha ŭniversytetu.
Na sudzie Alaksandra skazała, što jana vyjšła na centralnyja vulicy Bieraścia ź plakatam «Kali niespraviadlivaść stanovicca zakonam, supraciŭ stanovicca abaviazkam!», i heta była jaje hramadzianskaja pazycyja. Jana skazała, što takim čynam pratestavała suprać sytuacyi, jakaja skłałasia ŭ krainie.
«Jana nie admaŭlałasia, što pravodziła adzinočnaje pikietavańnie, ale ŭsio roŭna napisali, što jana była ŭ hrupie asobaŭ, jakija skandavali i byli sa ściahami. Pratakoł byŭ napisany pad kapirku, i hetak ža prachodziŭ sud», — skazaŭ Svabodzie miascovy aktyvist Andrej Šarenda.
Dvajniki viadomych biełarusaŭ. I nie kažycie, što nie zadumvalisia pra ich padabienstva12
Dvajniki viadomych biełarusaŭ. I nie kažycie, što nie zadumvalisia pra ich padabienstva
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3030
Kamientary