U niadzielu, 20 vieraśnia milicyja stralała ŭ pavietra i raspylała ŭ vočy pratestoŭcaŭ ślezaciečny haz, piša «Bresckaja hazieta».
Čarhovaja akcyja pratestu, jakaja atrymała nazvu Marš spraviadlivaści, u Breście nie abyšłasia biez «chapuna». Kolki ludziej zatrymali siłaviki, aficyjna pakul što nieviadoma. Pravaabaroncy apublikavali śpis zatrymanych na akcyjach pratestu 20 vieraśnia pa ŭsioj Biełarusi. Na 20:00 u im 133 proźviščy, u tym liku 6 ludziej z Bresta. Adznačajecca, što adzin bieraściejec byŭ mocna źbity. Śpis abnaŭlajecca i dapaŭniajecca.
Kali ŭ minułuju niadzielu pratestoŭcaŭ u Breście razhaniali vadamiotam, to siońnia raspylali ŭ tvar haz. Jak rastłumačyli ŭ MUS, «dla spynieńnia supraćpraŭnych dziejańniaŭ pratestujučych».
Akramia taho, siłaviki stralali ŭ pavietra.
U Breście 20 vieraśnia žorstka zatrymlivali ludziej, jakija vyjšli na vulicy mirna pratestavać suprać dziejučaj ułady. Pad razdaču patrapili i žančyny, i mužčyny. Ludzi sprabavali adbicca, žančyny nie davali vydrać mužčyn sa sčepki.
Kamientary