Supracoŭniki DFR pryjechali ŭ schovišča, dzie znachodziacca karciny z kalekcyi Biełhazprambanka
29 červienia da halerei «Art-Biełaruś» pryjechali supracoŭniki Departamienta finansavych rasśledavańniaŭ KDK, piša Tut.by.
Try hady tamu halereja «Art-Biełaruś» adkryłasia ŭ budynku Pałaca mastactva na minskaj vulicy Kazłova.
Na im usio jašče visiać rekłamnyja raściažki, ź jakich hladziać pracy Marka Šahała, Leona Baksta, Chaima Sucina, Šrahi Carfina i inšych suśvietna viadomych biełaruskich mastakoŭ. Da 12 červienia jany ŭvachodzili ŭ pryvatnuju kalekcyju Biełhazprambanka, jakaja ŭ 2017 hodzie stała publičnaj — ubačyć jaje moh luby achvotny za nievialikuju płatu. Ciapier karciny dałučanyja da kryminalnaj spravy. Zamiest ich na ścienach halerei visiać pustyja ramy i QR-kody.
Kanfiskacyja karcin, pavodle infarmacyi TUT.BY była zapłanavana na 14.30 paniadziełka — u dzień, kali halereja nie pracuje, a takim čynam, u joj niama naviedvalnikaŭ.
Na začynienych dźviarach visić repradukcyja karciny «Jeva» Chaima Sucina, pad joj — dva cheštehi: #vmiestiesJevoj i #razamzJevaj. Na palicach kramy pry halerei lažać nalepki — taksama ź Jevaj.
U 14.27 da Pałaca padjechaŭ čorny Mersedes i čatyry supracoŭniki DFR u im. Troje z prajšli ŭ halereju.
U Biełaruskaj pravasłaŭnaj carkvie abnavili ceńnik? Voś jakija buduć rekamiendavanyja taryfy7
Kamientary