Natalla Ejsmant kupiła apartamienty ŭ «Alimpik Parku» za $167 tysiač
Natalla Ejsmant, pres-sakratarka Alaksandra Łukašenki, nabyła adnapakajovuju kvateru płoščaj 108,4 mietra ŭ kompleksie «Alimpik Park», jaki buduje kampanija «Tapas» niepadaloku ad vadaschovišča «Drazdy». Uhoda była zaklučana ŭ sakaviku 2019 hoda. Elitnaja nieruchomaść kaštavała 355 tysiač rubloŭ ($166 550 pa tahačasnym kursie).
Cikava, što pres-sakratarka kiraŭnika krainy nabyła kvateru nie niepasredna ŭ zabudoŭščyka, kampanii «Tapas», jak bolšaść jaje susiedziaŭ. Žyllo joj pradaŭ «A. P. Bieły».
Alaksandr Paŭłavič Bieły (raniej Levienštejn) — były chakieist i były hienieralny mieniedžar chakiejnaha minskaha «Dynama». Jon baćka Paŭła Biełaha, napadajučaha chakiejnaj kamandy Alaksandra Łukašenki i top-mieniedžara kampanii «Tapas».
Situacyja z kvateraj takaja: u studzieni 2019 hoda «A. P. Bieły» nabyŭ jaje ŭ «Tapasa» za $165 760. A praz dva z pałovaj miesiacy pierapradaŭ Ejsmant pryblizna za tyja samyja hrošy. Za košt źmieny kursaŭ cana ŭ dalarach trochi vyrasła, a ŭ rublach — źmienšyłasia.
Ci možna ličyć hetu canu rynkavaj? Viasnoj 2019 hoda ŭ tym samym padjeździe «Tapas» pradaŭ takuju samuju kvateru za $190 tysiač — heta na 15% daražej, čym cana dla «A. P. Biełaha» i, adpaviedna, dla Natalli Ejsmant.
Pa infarmacyi «NN», raniej pres-sakratarka kiraŭnika krainy žyła ŭ słužbovaj kvatery ŭ staličnym rajonie Kamiennaja Horka.
Čytajcie:
Piać faktaŭ pra pres-sakratarku Łukašenki Natallu Ejsmant — šmat FOTA
Kiraŭnik DAI kupiŭ taŭnchaus u «Lebiadzinym» za $290 tysiač. Inšy pakupnik addaŭ za takoje žyllo $450 tysiač
Andrej Dźmitryjeŭ źjeździŭ u Bundestah, kab davieści nieabchodnaść udziełu Łukašenki ŭ mirnych pieramovach10
Kamientary