Rasijski «Pieršy kanał» paprasiŭ prabačeńnia za fejk sa śmierciu ad karanavirusa ŭ Biełarusi, ale zrabiŭ heta vielmi dziŭna
Rasijski «Pieršy kanał» paprasiŭ prabačeńnia za pamyłkovuju infarmacyju pra toje, što ŭ Biełarusi ad karanavirusa pamior čałaviek. Praŭda prabačeńni ad viadučaha Kiryły Klajmionava byli vielmi dziŭnymi.
«I jašče dva słovy pra karanavirus. Dakładniej, pra jaho nastupstvy dla arhanizma. Mahčyma, jany bolš raznastajnyja i składanyja dla arhanizma, čym da hetaha času ŭjaŭlajuć śpiecyjalisty. Ja kažu pra tak zvanyja nieadekvatnyja pavodziny, vyklikanyja dumkami pra hety samy virus. Što ja maju na ŭvazie? Našy biełaruskija kalehi pakryŭdzilisia na nas. Pakryŭdzilisia na niadzielnuju prahramu «Vriemia». U joj my paviedamili, što siarod krain, dzie jość achviary karanavirusa, braterskaja Biełaruś. Nibyta tam pamior čałaviek. Kalehi, braty, heta pamyłka. Naša pamyłka. Ale, jak kažuć, niavymušanyja pamyłka. Vypadkovaja. Nie naŭmysnaja. Ale ŭsio adno, prabačcie. Pamylilisia. Nichto nie pamior u Biełarusi. Usie žyvyja», — zajavili ŭ efiry rasijskaha telekanała.
Nahadajem, fejk ab tym, što ad karanavirusa «pieršyja śmierci zafiksavanyja ŭ ZŠA, Aŭstralii, Tajłandzie, Biełarusi» prahučaŭ u efiry rasijskaha «Pieršaha kanała» 1 sakavika. Na paviedamleńnie adreahavali Ministerstva achovy zdaroŭja, Ministerstva infarmacyi i biełaruskaje MZS.
Dvajniki viadomych biełarusaŭ. I nie kažycie, što nie zadumvalisia pra ich padabienstva11
Dvajniki viadomych biełarusaŭ. I nie kažycie, što nie zadumvalisia pra ich padabienstva
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3030
Kamientary