Malekularnyja bijołahi z Masačusieckaha technałahičnaha instytuta (MIT) adkryli kambinacyju z dvuch užo isnujučych lekaŭ, jakaja rassłablaje ścienki mačatočnikaŭ i robić vyvad kamianioŭ z nyrak mienš balučaj praceduraj dla pacyjenta. Vyniki ich pieršych dośledaŭ apublikavanyja ŭ navukovym časopisie Nature Biomedical Engineering, piša tass.ru.
«Kali pahladzieć na toje, jak daktary siońnia zmahajucca z kamianiami ŭ nyrkach, mała što pamianiałasia z 1890 hoda.
Akramia taho, jość masa śviedčańniaŭ, što ŭsie isnujučyja leki na samoj spravie nie pracujuć. Tamu nas asabliva natchniaje toje, što naša adkryćcio dapamoža vielizarnamu liku ludziej «, - prakamientavaŭ adzin z aŭtaraŭ daśledavańnia, bijołah z MIT Krystafier Li.
Jak ličać miedyki, kamiani ŭ nyrkach źjaŭlajucca paśla taho, jak u abmienie rečyvaŭ čałavieka ŭźnikajuć surjoznyja parušeńni, z-za jakich u mačavyvodnych šlachach farmujucca i nazapašvajucca soli mačavoj, ščaŭjevaj abo fosfarnych kisłot. Kali ich kryštaliki adnosna nievialikija, jany vyvodziacca z arhanizma razam z mačoj, a bujniejšyja struktury błakujuć mačatočnik i vyklikajuć mocny bol i zapaleńni.
Na praciahu mnohich dziesiacihodździaŭ miedyki vypisvajuć pacyjentam z kamianiami ŭ nyrkach leki z razradu alfa-adrenabłakataraŭ, jakija, jak miarkujecca, paskarajuć vyvad kamianioŭ z nyrak i pamianšajuć bolevyja adčuvańni, prymušajučy ścienki mačatočnikaŭ pašyracca. Jak pakazvaje praktyka, hetaja terapija dapamahaje daloka nie ŭsim, a niadaŭnija daśledavańni, jak adznačyŭ Li, navat zaśviedčyli, što jany całkam bieskarysnyja dla chvorych.
Navukoŭcy vyhadavali ŭzory muskulnych kletak, jakija vyściłajuć pavierchniu mačatočnikaŭ, i prasačyli, jak na ich dziejničajuć roznyja preparaty, jakija siońnia vykarystoŭvajucca dla lačeńnia hipiertanii, hłaŭkomy i šerahu inšych chvarob, źviazanych z pavyšanym arteryjalnym ciskam.
Padčas ekśpierymientaŭ Li i jaho kalehi spadziavalisia znajści rečyvy, jakija možna było b naŭprost uvodzić u mačavyvodnyja šlachi i prymušać ich pašyracca, prapuskajučy navat adnosna bujnyja kamiani.
Akazałasia, što adrazu dvoje ŭžo isnych lekaŭ, Y-27632 i nifiedypin, značna pieraŭzychodzili inšyja preparaty. Pieršy prymianiajecca dla baraćby z hłaŭkomaj, a taksama ŭ jakaści srodku suprać zmorščyn, a druhi - u jakaści lekaŭ ad hipiertanii i anhiny. Kožny ź ich rassłablaje ciahlicavyja kletki mačatočnikaŭ na 40-45%
Daviedaŭšysia, što jany niezvyčajna mocna dziejničajuć na kletki mačavyvodnych šlachoŭ, Li i jaho kamanda pravieryli, što adbudziecca, kali abjadnać rečyvy i apracavać ich sumieśsiu tyja ž samyja kultury kletak, frahmienty mačatočnikaŭ i paŭnavartasnyja nyrki ŭ arhaniźmie śvińni.
Dośledy pakazali, što abodva rečyvy ŭzmacniali dziejańnie adzin adnaho, što zmusiła pratoki, jakija złučajuć nyrki i mačavy puchir žyvioły, stać značna šyrejšymi.
Jany źmianšali skaračeńni ciahlicavych kletak mačatočnikaŭ prykładna ŭ 4—8 razoŭ macniej, čym tamsułazin, papularny srodak dla baraćby z nyračnakamiennaj chvarobaj, a taksama pieraŭzyšli ŭsie inšyja preparaty.
Jak adznačaje Li, abodva rečyvy prajšli nieabchodnyja pravierki na biaśpieku dla zdaroŭja čałavieka. Navukoŭcy spadziajucca, što ŭ bližejšy čas preparaty pačnuć prymianiacca dla baraćby z kamianiami ŭ nyrkach.
«Kali ty nie ŭ hetym śpisie, to budzieš u druhim». Jak u Biełarusi źbirajuć podpisy za Łukašenku13
Kamientary