Hubiernatar Kalininhradskaj vobłaści adkazaŭ na słovy Łukašenki: Biełaruś taksama naša
Alaksandr Łukašenka nie mieŭ na ŭvazie ničoha drennaha, kali nazvaŭ Kalininhradskuju vobłaść «svajoj» i ŭkazaŭ na adkaznaść Minska za hety rehijon z savieckich časoŭ, zajaviŭ RBK hubiernatar vobłaści Anton Alichanaŭ.
«Ničoha drennaha Alaksandr Ryhoravič nie mieŭ na ŭvazie. Dosyć vialikaja kolkaść biełarusaŭ u svoj čas pierajazdžała žyć i pracavać u Kalininhrad, ciapier u nas dobryja suviazi i na čałaviečym uzroŭni, i na ŭzroŭni pradprymalnikaŭ», — skazaŭ jon.
Pavodle jaho słoŭ, za apošnija dva hady tavaraabarot pamiž Kalininhradam i Biełaruśsiu padvoiŭsia, baki supracoŭničajuć u mnohich halinach, uklučajučy aŭtamabilnuju pramysłovaść.
«Sa svajho boku mahu skazać, što i Biełaruś taksama «naša» ŭ tym sensie, što heta braterski narod. Braty adzin adnaho ž nie nazyvajuć čužymi. My adkazvajem adzin za adnaho», — zajaviŭ Alichanaŭ i dadaŭ, što ŭ Kalininhradskaj vobłaści žyvie šmat etničnych biełarusaŭ, a mnohija žychary našaj krainy pryjazdžajuć u rehijon na adpačynak.
Na sustrečy z Alichanavym 25 listapada Łukašenka zajaviŭ, što Minsk z časoŭ SSSR nios adkaznaść za Kalininhradskuju vobłaść. «Ja i Jelcynu, i Uładzimiru Uładzimiraviču [Pucinu] časta kazaŭ, kali abmiarkoŭvali niejkija prablemy: «Kalininhrad — heta naša vobłaść, my za jaje adkazvali i adkazvajem pierš za ŭsio, a nie Rasija», — skazaŭ jon. Łukašenka adznačyŭ, što baki blizkija nie tolki hieahrafična, ale i histaryčna, a taksama zajaviŭ, što ŭ savieckija časy «na samym vysokim uzroŭni» abmiarkoŭvałasia mahčymaść dałučeńnia Kalininhradskaj vobłaści da Biełarusi. «Moža, dobra, što nie zrabili, tamu što Krym dałučyli da Ukrainy — akazałasia, što «niapravilna »zrabili», — dadaŭ Łukašenka.
Dvajniki viadomych biełarusaŭ. I nie kažycie, što nie zadumvalisia pra ich padabienstva12
Dvajniki viadomych biełarusaŭ. I nie kažycie, što nie zadumvalisia pra ich padabienstva
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3030
Kamientary