Pamierła savieckaja raźviedčyca Haar Vartanian, jakaja sarvała zamach na Čerčyla, Ruźvielta i Stalina
U Maskvie na 94-m hodzie žyćcia pamierła savieckaja raźviedčyca-nielehał Haar Vartanian, viadomaja pad psieŭdanimam Anita. Jana ŭ składzie raźviedhrupy sarvała zamach na Stalina, Čerčyla i Ruźvielta, jaki płanavaŭ Hitler u 1943 hodzie padčas Tehieranskaj kanfierencyi, pieradaje RBK.
Haar (dziavočaje proźvišča — Pachlevanian) naradziłasia 25 studzienia 1926 hoda ŭ horadzie Leninakan (ciapier Hiumry). U pačatku 1930-ch razam ź siamjoj pierajechała ŭ Iran. Tam u 16-hadovym uzroście ŭstupiła ŭ antyfašysckuju hrupu, jakuju ŭznačalvaŭ Hievork Vartanian. Paśla Haar vyjšła za jaho zamuž.
U 1943 hodzie Haar u składzie hrupy Vartaniana brała ŭdzieł u apieracyi pa zabieśpiačeńni biaśpieki Tehieranskaj kanfierencyi. Mienavita hetaja hrupa sarvała zamach na lidaraŭ «vialikaj trojki» — Uinstana Čerčyla, Franklina Ruźvielta i Iosifa Stalina, jaki zapłanavaŭ Adolf Hitler.
U 1951 hodzie Vartanian viarnulisia ź Irana ŭ SSSR, a praź piać hadoŭ paśpiachova skončyli Jerevanski instytut zamiežnych moŭ. Zatym na praciahu dziesiacihodździaŭ jany pracavali vyviednikami ŭ šerahu krain śvietu, dziejničajučy pad psieŭdanimami Anita i Anry. U 1984 hodzie Hievorku było prysvojena zvańnie Hieroja Savieckaha Sajuza, a Haar uznaharodzili ordenam Čyrvonaha Ściaha, pra što jany daviedalisia, znachodziačysia ŭ Italii, dziakujučy šyfroŭcy z Maskvy. U 1986 hodzie paśla 30 hadoŭ pracy na nielehalnym stanoviščy jany viarnulisia na radzimu.
Až da 2000 hoda muž i žonka Vartanian rychtavali kadry dla Słužby vajennaj vyviedki. 20 śniežnia taho ž hoda imia Hievorka Vartaniana było rassakrečana. Heta adbyłosia ŭ dzień 80-hodździa SVV. Pry hetym bolšaść praviedzienych im apieracyj zasakrečana da hetaha času.
Dvajniki viadomych biełarusaŭ. I nie kažycie, što nie zadumvalisia pra ich padabienstva12
Dvajniki viadomych biełarusaŭ. I nie kažycie, što nie zadumvalisia pra ich padabienstva
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3030
Kamientary