Pad Pieciarburham vyjavili bujnuju narkałabaratoryju — u joj «chimičyŭ» uradženiec Homiela
Jak piša TUT.BY sa spasyłkaj na miascovy sajt 47news, pad Tosna ŭ Leninhradskaj vobłaści Rasii vyjavili mahutnuju narkałabaratoryju. U joj pracavaŭ i hamialčanin.
Sielski ŭčastkovy kapitan Dźmitryj Piatroŭ šukaŭ u pasiołku Abuchaviec šeryja aŭtamajsterni, a vyjaviŭ najbujniejšuju narkałabaratoryju. 20 listapada jon uvajšoŭ u zakinuty anhar i nie pavieryŭ vačam: paŭsiul była raskładzienaja materyja, padobnaja na cyratu, a na joj lažała biełaje rečyva. Akramia hetaha, u anhary byli stanki, aŭtapahruzčyk, hruzavyja refryžeratary, roznyja jomistaści.
Paźniej śpiecyjalisty vyśviatlać: rečyva, jakoje vyjaviŭ učastkovy, — tak zvanaja sol. U anhary znachodziłasia bolš za 2 tony ŭžo hatovaha narkotyku i 4,8 t amal hatovaha — u syravinie.
Nieŭzabavie vyjšli i na «śpiecyjalistaŭ» łabaratoryi. Imi akazalisia dvoje rasiejcaŭ — Dźmitryj Havaruškin i Siarhiej Kamienieŭ, a taksama uradženiec Homiela 35-hadovy Mikałaj Surnakoŭ. Śledstva ličyć, što jon vykonvaŭ rolu chimika.
Ciapier usie zatrymanyja znachodziacca ŭ izalatary. U dačynieńni da ich raspačata kryminalnaja sprava pa artykule «vytvorčaść narkotykaŭ u asabliva bujnym pamiery».
22 listapada Surnakova sud na dva miesiacy adpraviŭ pad vartu.
Dvajniki viadomych biełarusaŭ. I nie kažycie, što nie zadumvalisia pra ich padabienstva12
Dvajniki viadomych biełarusaŭ. I nie kažycie, što nie zadumvalisia pra ich padabienstva
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3030
Kamientary