Ministerstva adukacyi: Zdymać nastaŭnikaŭ na telefon niedapuščalna
Namieśnik ministra adukacyi Alaksandr Kadłubaj rastłumačyŭ rašeńnie zabaranić mabilnyja telefony ŭ škołach, paviedamlajuć «Minsk-Naviny».
Čynoŭnik ličyć niedazvolenymi zdymku piedahohaŭ abo dziaciej u niejkich kampramietujučyja abstavinach i bulinh z dapamohaj takich resursaŭ. Pa słovach A. Kadłubaja, izalavać navučencaŭ ad telefonaŭ niapravilna, adnak nastaŭniki abaviazany kantralavać praces vykarystańnia školnikami mabilnych srodkaŭ.
Niekatoryja škoły praihnaravali zahad Ministerstva adukacyi, padpisany ŭ sakaviku 2019 hoda. Zhodna z dakumientam, ustanovy ahulnaj siaredniaj adukacyi pavinny ŭnieści ŭ praviły ŭnutranaha pracoŭnaha rasparadku dla navučencaŭ mierapryjemstvy, jakija abmiažoŭvajuć vykarystańnie mabilnych srodkaŭ u adukacyjnym pracesie. Zahad płanujecca davieści da łahičnaha zaviaršeńnia: ministerstvam prapracoŭvajecca šerah mierapryjemstvaŭ i stvarajucca ahulnyja praviły pa abmiežavańni vykarystańnia telefonaŭ.
A. Kadłubaj padkreśliŭ, što aptymalnym rašeńniem budzie zachoŭvańnie telefonaŭ u śpiecyjalnych pranumaravanych jačejkach, jakija znachodziacca na stale nastaŭnika.
— Dzicia bačyć svaju mabilnuju pryładu, padčas adukacyjnaha pracesu jana na vačach u dziciaci — na stale ŭ piedahoha, u jaho vočku. Jačejki pranumaravany pa numaracyi žurnała. Jon sam jaho tudy pastavić i sam adtul zabiare. U vyniku kali nanios niejkuju drapinu, to jon sam jaje nanios i sam za jaje budzie adkazvać, - rastłumačyŭ čynoŭnik.
-
Usio zdaryłasia na Novy hod. Śmierć samaj publičnaj supracoŭnicy minskaha AMAPa dahetul pakidaje pytańni
-
Chalezin: Samyja vialikija hanieńni na Svabodny teatr byli pry Łatušku. Ale jamu nie treba kajacca pierada mnoju
-
Ci mohuć nie puścić u kramu za 5 chvilin da zakryćcia i da jakoha času pavinny pracavać kasirki
Usio zdaryłasia na Novy hod. Śmierć samaj publičnaj supracoŭnicy minskaha AMAPa dahetul pakidaje pytańni14
Kamientary