Siamirazovy čempijon «Formuły-1» Michael Šumachier pakinuŭ paryžskuju kliniku imia Žorža Pampidu. Pra heta zajaviŭ žurnalist vydańnia Le Parisien Žan-Mišel Dekiužy ŭ efiry telekanała BFMTV, paviedamlaje RBK.
Pavodle infarmacyi Dekiužy, Šumachiera dastavili ŭ kliniku ŭ paniadziełak, 9 vieraśnia. U aŭtorak były spartsmien prajšoŭ lačebnyja pracedury, a ŭ noč ź sierady na čaćvier pakinuŭ miežy Francyi.
Dekiužy zajaviŭ, što mietodyka, pa jakoj lačyli Šumachiera, nie nazyvajecca, ale jamu ŭdałosia vyśvietlić, što byłomu honščyku rabili pieralivańnie kryvi z dabaŭleńniem stvałavych kletak. Jon taksama adznačyŭ, što padobnaje lačeńnie pavinna stanoŭča ŭpłyvać na arhanizm Šumachiera, u tym liku na jaho mozh. Lačeńniem Šumachiera zajmaŭsia prafiesar Filip Mienaše, jaki śpiecyjalizujecca na terapii stvałavymi kletkami.
Šumachier atrymaŭ ciažkuju traŭmu hałavy ŭ śniežni 2013 hoda, pavaliŭšysia padčas katańnia na hornych łyžach. Honščyk pieranios apieracyju, paśla čaho doŭhi čas znachodziŭsia ŭ komie. Uletku 2018 h. jon pryjšoŭ u prytomnaść, paśla čaho jaho navat pieraviali sa špitalu dadomu ŭ Łazanu. Apošnija hady Šumachier prachodzić praces reabilitacyi ad traŭmy, ale jaho siamja nie vydaje infarmacyju pra stan jaho zdaroŭja.
Pieršaja vice-mer Minska Nadzieja Łazarevič prajšła praz zatrymańnie, muž zastaŭsia ŭ SIZA11
Kamientary