U struktury spažyvańnia ałkaholu ŭ Biełarusi 49% prypadaje na mocnyja śpirtnyja napoi (čaściej za ŭsio harełku, kańjačnyja vyraby).
Pra heta paviedamiŭ 11 lipienia kaardynatar prahram pa hramadskim zdaroŭi krainavaha biuro Suśvietnaj arhanizacyi achovy zdaroŭja ŭ Biełarusi Valancin Rusovič, pišuć Minsk-Naviny.
— Pa acenkach SAAZ, madel spažyvańnia ałkaholu žycharami Biełarusi adpaviadaje piataj stupieni niebiaśpieki — za košt vialikaj prychilnaści da mocnaha śpirtnoha, — adznačyŭ V. Rusovič. — U struktury spažyvańnia ałkaholu amal pałova — heta mocnaje śpirtnoje, a na macavanyja viny (z utrymańniem śpirtu ad 18 hradusaŭ i bolš) prypadaje 26%.
Pradstaŭnik SAAZ rastłumačyŭ, što biaśpiečnaha ŭzroŭniu spažyvańnia ałkaholu niama, ale, kab nie pryvyknuć da śpirtnoha, treba chacia b nie pieravyšać peŭny paroh.
— Dla mužčyn hety minimum składaje nie bolš za dźvie standartnyja adzinki śpirtnoha ŭ dzień, dla žančyn — nie bolš za adnu, — rastłumačyŭ V. Rusovič. — I pry hetym nie mienš čym dva dni na tydzień ad ałkaholu treba całkam ustrymacca.
V. Rusovič taksama patłumačyŭ, što takoje standartnyja adzinki.
— Adna standartnaja adzinka - heta 10 hramaŭ čystaha śpirtu, roŭnaja adnamu kuflu piva (0,33 ł), ci adnamu kielichu suchoha vina, ci čarcy harełki abjomam 35 mł, - skazaŭ jon.
-
«Heta litaralna zryvaje dach!» Televiadučaja Lucyja Hieraščanka raspaviała pra pajezdku ŭ Indyju z synam
-
«Skrali try partsihary, try kurtki». Viciebski hubiernatar abvinavaciŭ pradprymalnikaŭ u pierabolšvańni nastupstvaŭ pažaru
-
Chalezin: Nieŭźlin finansuje Chartyju'97 jašče z prezidenckich vybaraŭ 2010 hoda
Chalezin: Nieŭźlin finansuje Chartyju'97 jašče z prezidenckich vybaraŭ 2010 hoda16
Kamientary