Biełarusy ŭ lutym pavialičyli ŭkłady — jak rublovyja, tak i valutnyja. Depazity ŭ valucie rastuć treci miesiac zapar, a rublovyja ŭkłady pakazvajuć rost piaty miesiac. Pra heta śviedčyć lutaŭskaja statystyka Nacbanka pa hrašova-kredytnym rynku, pieradaje TUT.BY.
Układy ŭ valucie za luty vyraśli na 5,5 miljona dalaraŭ — da 6 miljardaŭ 151,7 miljona dalaraŭ. Nahadajem, za studzień depazity ŭ valucie pavialičylisia na 48,3 miljona dalaraŭ, a ŭ śniežni vyraśli ŭpieršyniu za apošnija 17 miesiacaŭ — na 11 miljonaŭ dalaraŭ.
Rublovyja ŭkłady na pačatak sakavika skłali 4 miljardy 167,1 miljona rubloŭ. Hetaja suma na 64,3 miljona rubloŭ bolšaja, čym miesiac tamu. Za studzień rublovyja depazity vyraśli na 92 miljony rubloŭ, za śniežań — na 61,4 miljona rubloŭ, za listapad — na 52,6 miljona rubloŭ, u kastryčniku — na 15,3 miljona rubloŭ. U vieraśni jany ŭpali na 12,4 miljona rubloŭ. Da vieraśnia ŭ apošni raz depazity ŭ nacvalucie naminalna padali ŭ lipieni 2017 hoda.
Jak paśla kanca śvietu. Ahrasiadzibu ŭ Salihorskim rajonie zaniesła ziamloj3
Kamientary