Turkmienskaha studenta vyšluć ź Biełarusi za chulihanstva ŭ internacie ŭ navahodniuju noč, paviedamlaje guvd.gov.by
Čytajcie: U navahodniuju noč turkmienskija studenty ŭ Minsku kidali pietardy
Pytańnie pra vysyłku 19-hadovaha hramadzianina Turkmienistana z terytoryi Biełarusi razhladałasia 22 studzienia na bazie internata №5 BDEU. «Z udziełam pradstaŭnikoŭ univiersiteta, internata, kiraŭnictva Leninskaha RUUS Minska i ŭpraŭleńnia pa hramadzianstvie i mihracyi HUUS Minharvykankama było pryniata rašeńnie ab vysyłcy studenta z zakryćciom ujezdu ŭ Biełaruś terminam na try hady. Na praciahu 30 dzion jon abaviazany pakinuć krainu», — prainfarmavali ŭ milicyi.
31 śniežnia ŭ 23.26 staličnyja milicyjaniery atrymali paviedamleńnie pra toje, što ŭ internacie №5 BDEU adbyvajecca bojka. Na miescy infarmacyja nie paćvierdziłasia. Adnak pry abśledavańni internata pravaachoŭniki pačuli huk ad vybuchu pietardy na adnym z pavierchaŭ. Za heta pravaparušeńnie byŭ zatrymany 19-hadovy student - hramadzianin Turkmienistana. Chłopiec byŭ dastaŭleny dla vyśviatleńnia situacyi ŭ adździeł milicyi. Supraćpraŭnych dziejańniaŭ u dačynieńni da supracoŭnikaŭ milicyi student nie ździajśniaŭ. Paśla jon byŭ pryciahnuty da administracyjnaj adkaznaści pa art.17.1 KaAP (drobnaje chulihanstva), jamu było pryznačana pakarańnie ŭ vyhladzie štrafu.
Vaskrasienski: Treba, kab Sikorski pryvioz padarunak Łukašenku. A Bialacki i 20 zavadataraŭ vyjduć apošnimi26
Kamientary