Va Ukrainie na 90-m hodzie žyćcia pamior ukrainski piśmieńnik, były saviecki dysident, aŭtar «Akta abviaščeńnia niezaležnaści Ukrainy» ad 24 žniŭnia 1991 hoda, deputat Viarchoŭnaj Rady čatyroch sklikańniaŭ Laŭko Łukjanienka. Pra heta na svajoj staroncy ŭ fejsbuku paviedamiŭ premjer Ukrainy Uładzimir Hrojsman.

Laŭko Łukjanienka naradziŭsia 24 žniŭnia 1928 hoda ŭ vioscy Chrypaŭka Haradnianskaha rajona Čarnihaŭskaj vobłaści. U 1953 hodzie ŭstupiŭ u KPSS i pastupiŭ na jurydyčny fakultet Maskoŭskaha ŭniviersiteta imia Łamanosava. Paźniej stvaryŭ apazicyjny ŭ adnosinach da savieckaj ułady «Ukrainski raboča-sialanski sajuz». Vystupaŭ za adździaleńnie Ukrainy ad SSSR, u vyniku čaho byŭ vyklučany z kampartyi.

Za antysavieckuju dziejnaść u mai 1961 hoda Lvoŭski abłasny sud prysudziŭ jaho da rasstrełu. Krychu paźniej Viarchoŭny sud zamianiŭ rasstreł 15 hadami pazbaŭleńnia voli. Paśla vychadu na volu ŭ 1976 hodzie Łukjanienka staŭ adnym z zasnavalnikaŭ Ukrainskaj Chielsinkskaj hrupy. U nastupnym hodzie jaho znoŭ aryštavali i prysudzili jašče da dziesiaci hadoŭ turemnaha źniavoleńnia i piaci hadoŭ vysyłki. Usiaho Łukjanienka pravioŭ u źniavoleńni 26 hadoŭ.

Udakładnieńnie. U pačatkovaj viersii artykuła było pamyłkova paznačana, što Laŭko Łukjanienka pražyŭ 88 hadoŭ. Nasamreč, jon pražyŭ 89 hadoŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?