Stalinisty-balšaviki: chto arhanizoŭvaje «Bieśśmiarotny połk» u Minsku?
Stała viadoma, što Minharvykankam usio ž daŭ dazvoł na praviadzieńnie ŭ Minsku 9 Maja asobnaha šeścia «Bieśśmiarotny połk», chacia spačatku haradskija ŭłady zabaranili takuju akcyju. «Bieśśmiarotny połk» vykarystoŭvajecca prapahandaj dla prasoŭvańnia «ruskaha śvietu».
A što za ludzi stajać za hetym mierapryjemstvam?
Na pieršy płan vyjšła asoba byłoha deputata Pałaty pradstaŭnikoŭ Valeryja Drako. Kaliści jon byŭ u šerahach kalakinskaj partyi PKB, byŭ deputatam Viarchoŭnaha Savieta, ale padčas kanstytucyjnaha kryzisa 1996 hoda padtrymaŭ Łukašenku. Dziakujučy hetamu, Drako zajmieŭ miesca deputata ŭ pieršym sklikańni Pałaty pradstaŭnikoŭ.
Potym Drako ŭvajšoŭ u aficyjnuju Kamunistyčnuju partyju, byŭ kiraŭnikom Minskaha haradskoha kamiteta KPB. U 2004 hodzie ŭ intervju «Biełhaziecie» Valeryj Drako havaryŭ pra chutčejšaje praviadzieńnie refierendumu pa Kanstytucyjnym akcie Biełarusi i Rasii, što faktyčna b staviła kropku na biełaruskim suvierenitecie.
Na vybarach 2010 hoda Valeryj Drako padtrymaŭ kandydata Viktara Ciareščanku, byŭ jaho davieranaj asobaj. Paśla tych vybaraŭ tolki dva kandydaty nie byli aryštavanyja — Łukašenka i Ciareščanka.
Ciapier Drako źjaŭlajecca siabram arhkamiteta Biełaruskaj kamunistyčnaj partyi pracoŭnych. Taksama jon staršynia Mižnarodnaha hramadskaha abjadnańnia «Za Radzimu! Za Stalina!»
Vasil Zielikaŭ źjaŭlajecca staršynioj balšavickaj arhanizacyi «Ajčyna». Jon kožny dzień prychodziŭ na sud nad «rehnumaŭcami», aktyŭna kamientavaŭ pierypietyi spravy.
U 2014 hodzie Zielikaŭ vystupaŭ z zajavaj, kab Łukašenka pryznaŭ niezaležnaść Danieckaj Narodnaj Respubliki. Zielikaŭ adzin z tych, chto prychodzić na 7 listapada da pomnika Lenina z partretami Stalina. Šmat razvažaje pra «impieryjalistyčnuju palityku ZŠA».
Jašče adzin kamunist-balšavik Leanid Školnikaŭ źbiraŭ hrošy na pomnik Stalinu ŭ Minsku. U 2010 hodzie za paŭhoda jon sabraŭ 670 dalaraŭ.
Jon pradstaŭlaje arhanizacyju «Za Sajuz i kamunistyčnuju partyju Sajuza». «Da našaj biady, lidaraŭ maštabu Uładzimira Lenina ci Iosifa Stalina sučasnaść pakul nie vyłučyła», — kazaŭ u adnym intervju Školnikaŭ.
«U čałaviectva - tolki dva vyjści: abo hłabalny sacyjalizm, albo hibiel cyvilizacyi», — kazaŭ Školnikaŭ.
Stanisłaŭ Akružko źjaŭlajecca staršynioj arhkamiteta pa stvareńni Biełaruskaj kamunistyčnaj partyi pracoŭnych, jakoj užo šeść razoŭ admaŭlaŭ u rehistracyi Miniust. Tavaryš Akružko taksama vychadziec z PKB, ale byŭ vyklučany z partyi ŭ 2009 hodzie. Akružka nie pahadžaŭsia ź pieraimienavańniem partyi ŭ «Spraviadlivy śviet».
«Jany abaraniali intaresy svajho naroda», — kazaŭ Akružko pra aryštavanych publicystaŭ «Rehnuma».
Andrej Dźmitryjeŭ źjeździŭ u Bundestah, kab davieści nieabchodnaść udziełu Łukašenki ŭ mirnych pieramovach11
Kamientary