Stowarzyszenie Młodych Twórców — «Ku Teatrowi» i miedyjaprajekt «PARTisan» zaprašajuć na III Majstroŭniu karotkamietražnych dakumientalnych filmaŭ «15 chvilin: Biełaruś!»
03.10.2017 - 07.10.2017
Prahrama Majstroŭni składajecca z dvuch častak:
🎥 03.10.2017 i 04.10.2017 - publičnyja prezientacyi № 33 almanacha «pARTisan», pryśviečanaha polskamu dakumientalnamu kino; a taksama biełaruskaha vydańnia padručnika «Dapamožnik kinadakumientalista» aŭtarstva prafiesarki Hražyny Kendzielaŭskaj.
🎥 05.10.2017 - 07.10.2017 - zakryty varštat vykładčykaŭ Polskaj vyšejšaj kinaškoły ŭ Łodzi - prafiesarki Hražyny Kendzielaŭskaj i Słavamira Kalvinka.
U miežach varštata 12 aŭtaraŭ(-ak) zmohuć prezientavać i raspracavać svaje kinaprajekty, abmierkavać i adšukać mahčymaści ich vytvorčaści. Kolkaść udzielnikaŭ abmiežavanaja.
«Asabliva nas cikaviać prajekty karotkamietražnych dakumientalnych aŭtarskich filmaŭ-raspoviedaŭ, praciahłaściu ad 5 da 15 chvilin, jakija možna prezientavać jak na fiestyvalach, tak i ŭ internecie, - raspaviadaje kaardynatarka prajekta Iałanta Kiljan. - My šukajem prapanovy dla filmaŭ, jakija apisvali b hierojaŭ i źjavy ź Biełarusi, z najbližejšaha atačeńnia režysiora, kali kamiera moža zdymać žyćcio zblizku abo kali režysior zdymaje važnuju padzieju.»
Dla ŭdziełu ŭ III Majstroŭni karotkamietražnych dakumientalnych filmaŭ «15 chvilin: Biełaruś!» nieabchodna:
1. Zajści na sajt www.15minutesbelarus.net.
2. Spampavać i zapoŭnić ankietu.
Pa-biełarusku/rusku, pa mahčymaści taksama pa-polsku/anhlijsku. Staronka 1 (infarmacyjnaja) i sinopsis (paŭstaronki) - abaviazkovyja dla zapaŭnieńnia. Dadatkovyja materyjały (trejlery, prezientacyi dy inš.) vitajucca: čym bolš infarmacyi, tym bolšaja mahčymaść raźvićcia prajektu i pradstaŭleńnia jaho sponsaram.
3. Zapoŭnienuju ankietu i ŭsie dadatkovyja materyjały dasłać da 10.09.2017 na adras [email protected].
Uvachodny kvitok - pračytany «Dapamožnik kinadakumientalista», link na jaki vy atrymajecie ŭ adkaz na zajaŭku.
Usie padziei III Majstroŭni karotkamietražnych dakumientalnych filmaŭ projduć u Press Club Belarus (h. Minsk, vuł. Viery Charužaj 3, ofis 601).
Kantakty:
[email protected]
[email protected]
+375447424832
Kamientary