Smarhonski rajonny adździeł Śledčaha kamiteta pravodzić pravierku pa fakcie traŭmiravańnia dziciaci ŭ Smarhonskim rajonie, paviedamiŭ BIEŁTA aficyjny pradstaŭnik USK pa Hrodzienskaj vobłaści Siarhiej Šaršanievič.
Dzieci dniom 7 červienia hulali ŭ dvary pryvatnaha doma ŭ v. Pazborcy. 9-hadovy chłopčyk, pierasiakajučy pa prośbie rodnaj 6-hadovaj siastry siakieraj viaroŭku, trapiŭ joj pa palcy. Z dyjahnazam «traŭmatyčnaja amputacyja 3-ha palca levaj kiści» dziaŭčynka była dastaŭlenaja ŭ rajonnuju balnicu, adkul nakiravanaja dla akazańnia nieadkładnaj dapamohi ŭ adnu z profilnych miedycynskich ustanoŭ Minska.
Śledčyja z udziełam ekśpiertaŭ ahledzieli miesca zdareńnia, apytali svajakoŭ i susiedziaŭ paciarpiełaj. Pryznačanaja sudova-miedycynskaja ekśpiertyza.
Vyjaŭlena, što dzieci vychoŭvajucca ŭ zvyčajnaj siamji, jakaja pražyvaje ŭ Minsku. Usie charaktaryzujucca stanoŭča. U dzień zdareńnia siamja znachodziłasia ŭ haściach u svajakoŭ. Darosłyja pracavali na padvorku pa haspadarcy, dzieci zastalisia na čas biez nahladu. Pry hetym traŭmaniebiaśpiečny instrumient znachodziŭsia ŭ volnym dostupie.
Śledčy kamitet źviartaje ŭvahu, što darosłyja pavinny likvidavać traŭmaniebiaśpiečnyja situacyi i sistematyčna navučać dziaciej asnovam prafiłaktyki traŭmatyzmu. Pry hetym važna nie raźvić u dziciaci pačućciaŭ niaśmiełaści i strachu, a, naadvarot, davieści jamu, što niebiaśpieki možna paźbiehnuć, kali pavodzić siabie pravilna. Vielmi važna dla darosłych samim pravilna pavodzić siabie va ŭsich situacyjach, demanstrujučy dzieciam biaśpiečny ład žyćcia.
Jak paśla kanca śvietu. Ahrasiadzibu ŭ Salihorskim rajonie zaniesła ziamloj3
Kamientary