Kurdskija atrady samaabarony ŭvarvalisia ŭ zachodnija rajony stalicy Isłamskaj dziaržavy, horad Raku, i zaniali razvaliny pałaca Haruna al-Rašyda — siaredniaviečnaha vaładara, zhadanaha ŭ cykle kazkach «Tysiača i adna noč».
Jak paviedamlaje vydańnie Anha, kurdskim atradam udałosia zaniać raźmieščany na zachad ad horada pahorak Hierakła, jaki bajaviki Isłamskaj dziaržavy vykarystoŭvali ŭ jakaści svajoj bazy.
Pałac Haruna al-Rašyda byŭ pabudavany na miescy staražytnarymskaj krepaści i ličyŭsia adnoj ź miascovych słavutaściaŭ. Pahorak Hierakła tradycyjna ličycca zachodniaj bramaj u Raku.
Kurdskaje ahienctva ARA taksama paviedamiła ab poŭnym zaniaćci rajona al-Mašłab va ŭschodniaj častcy Raki. Takim čynam, nastup na pazicyi bajevikoŭ ID u horadzie viadziecca z dvuch kirunkaŭ.
Siły Bašara Asada znachodziacca prykładna za 80 kiłamietraŭ ad horada Raka.
Kurdskija atrady, što pryniali na siabie hałoŭny ciažar vajny ź Isłamskaj dziaržavaj, atrymlivajuć zbroju ad ZŠA.
Jak paśla kanca śvietu. Ahrasiadzibu ŭ Salihorskim rajonie zaniesła ziamloj3
Kamientary