«Ała Broń»: u Breście zatrymany aŭtar artykuła pra Biełaruś jak niedadziaržavu
Aŭtar rasijskich impierskich sajtaŭ, vykładčyk BDUIR Juryj Paŭłaviec, akazaŭsia nie adzinym zatrymanym siarod adeptaŭ «ruskaha śvietu». Jak stała viadoma «Našaj Nivie», u SIZA trapiŭ jašče adzin aŭtar sajta Rehnum, viadomy pad psieŭdanimam «Ała Broń».
Nahadajem, mienavita pad hetym imiem vyjšaŭ materyjał, dzie Biełaruś nazyvałasia «zvarjaciełaj niedadziaržavaj», a biełaruski akcent — «prykmietaj nizkaha pachodžańnia».
«Ała» była aŭtaram i inšych abraźlivych dla Biełarusi materyjałaŭ.
Pa infarmacyi «Našaj Nivy», «Ała Broń» — heta 45-hadovy žychar Bresta Dźmitryj Alimkin, kolišni vypusknik Akademii kiravańnia pry prezidencie.
Alimkin doŭhija hady pracavaŭ u «Biełdziaržstrachu». Apošnim časam byŭ vartaŭnikom u škole i pisaŭ artykuły na rasijskija sajty, źmiest tekstaŭ kaardynavaŭ z redaktaram sajta «Impieryja» i šef-redaktaram Rehnuma Juryjem Barančykam.
Jak paviedamiła «Našaj Nivie» žonka Alimkina, jaho zatrymali ranicaj 6 śniežnia ŭ Breście. Zatrymlivaŭ AMAP, u chacie byŭ praviedzieny pieratrus.
Jaho padazrajuć u ździajśnieńni złačynstvaŭ pa artykule 130 Kryminalnaha kodeksa «Raspalvańnie rasavaj, nacyjanalnaj abo relihijnaj varažniečy abo roźni». Alimkin znachodzicca ŭ adnym ź SIZA Minska.
Bolš žonka paviedamić admoviłasia, spasłaŭšysia na padpisku pra nierazhałošvańnie.
Andrej Dźmitryjeŭ źjeździŭ u Bundestah, kab davieści nieabchodnaść udziełu Łukašenki ŭ mirnych pieramovach11
Kamientary