Miljardnamu prajektu «Biełharchimpramama» ŭ Turkmienistanie spatrebiłasia dapamoha dziaržavy

Jak vynikaje z pastanovy Saŭmina № 937 ad 18 listapada, apublikavanaj Nacyjanalnym pravavym internet-partałam, harantyja ŭrada dajecca ŭ pahašeńni asnoŭnaha doŭhu i pracentaŭ pa kredycie, jaki vydajecca bankam «Biełharchimpram» u sumie 25 młn dołaraŭ. Srodki vydzialajucca na termin nie bolš za adzin hod pad 8% hadavych. Płata za davańnie harantyi ŭrada pravodzicca adnačasova ŭ pamiery 0,01 pracenta ad sumy kredytu. Harantyja ŭrada dajecca ŭ valucie kredytu, što vydajecca.

Pastanovaj taksama prapanavana «Biełharchimpramu» zabiaśpiečyć nakiravańnie srodkaŭ kredytu «pieravažna na nabyćcio abstalavańnia i materyjałaŭ dla budaŭnictva Harłykskaha horna-abahačalnaha kambinata ŭ Turkmienistanie».

Piersanalnaja adkaznaść za metavaje vykarystańnie srodkaŭ kredytu, jaho svoječasovaje pahašeńnie i vypłatu pracentaŭ za karystańnie hetym kredytam uskładzieny na hienieralnaha dyrektara AAT «Biełhorchimpram».

Nahadajem, u vieraśni Minsk i Ašchabad abvinavacili adzin adnaho ŭ nievykanańni abaviazacielstvaŭ pry budaŭnictvie Harłykskaha horna-abahačalnaha kambinata.

3 kastryčnika ŭ parłamiencie namieśnik premjer-ministra Biełarusi Anatol Kalinin zajaviŭ žurnalistam, što Harłykski horna-abahačalny kambinat pa zdabyčy kalijnych uhnajeńniaŭ u Turkmienistanie budzie ŭviedzieny ŭ ekspłuatacyju ŭ sakaviku 2017 hoda. «Pry jaho naviedvańni my ŭbačyli, što vyjšli na zaviaršalnuju stadyju ŭvodu kambinata, — adznačyŭ Kalinin. — Niama nijakich sumnieńniaŭ pa jaho svoječasovym uvodzie. Kambinat budzie ŭviedzieny ŭ sakaviku 2017 hoda. Dumaju, navat raniej».

Jon skazaŭ, što ŭ chodzie budaŭnictva kambinata «niejkija pytańni ŭźnikali ŭ pieramovach u płanie abmienu pretenzijami praź ŚMI». «Na moj pohlad, jany byli zališnie pieraviornutyja. Na ŭzroŭni ŭradaŭ damovilisia, što nadalej praź ŚMI baki nie buduć vyśviatlać składanyja pytańni, a buduć vyrašać ich u ramkach pieramoŭ na ŭzroŭni ŭradaŭ i mižuradavych kamisij», — skazaŭ Kalinin.

Prajektavańnie i budaŭnictva pad kluč HAK mahutnaściu 1,4 młn ton u hod chłarydu kaliju na bazie Harłykskaha radovišča kalijnych solej u Labapskim viłajacie Turkmienistana ažyćciaŭlajecca ŭ ramkach realizacyi kantrakta, zaklučanaha ŭ 2010 hodzie pamiž AAT «Biełharchimpram» i dziaržaŭnym kancernam «Turkmienchimija».

Kompleks budujecca na bazie Harłykskaha radovišča kalijnych solaŭ na płoščy bolš za 100 ha. HAK budzie vyrablać štohod 0,6 młn ton hranulavanaha chłarydu kaliju i 0,8 młn ton drobnaziarnistaha.

• 0
• 0
• 0
• 0
• 0
• 0
• 0
• 0