SBU zatrymała złačynnuju hrupu, jakaja vyvoziła ŭ Rasiju Illu Bahdanava, jaki ŭ 2014 hodzie pierajšoŭ na bok Ukrainy. Śpiecapieracyja była praviedziena kala miažy.
Pra heta na sumiesnym z hienieralnym prakuroram Juryjem Łucenkam bryfinhu zajaviŭ kiraŭnik Słužby biaśpieki Ukrainy Vasil Hrycak, pieradaje karespandent LIHA.net.
Pa słovach kiraŭnika SBU, pravaachoŭniki atrymali infarmacyju, što Bahdanava vykrali, niezakonna ŭtrymlivajuć i płanujuć pierapravić u RF.
«Da pravaachoŭnikaŭ źviarnulisia siabry i znajomyja Illi Bahdanava i paviedamili pra toje, što apošni raz razmaŭlali ź im 12 listapada 2016 hoda. Paśla hetaha na suviaź jon nie vychodzić i jaho miescaznachodžańnie nieviadomaje», — paviedamiŭ u paniadziełak, 14 listapada, adździeł kamunikacyi palicyi Kijeva.
«My stvaryli mahutnuju hrupu. Dla zabieśpiačeńnia bajavoj častki byŭ zadziejničany Centr śpiecapieracyj Alfa, značnyja našy apieratyŭna-techničnyja mahčymaści, i adpravili hrupu na Charkaŭ, bo Bahdanaŭ znachodziŭsia tam. Paśla vyznačeńnia miescaznachodžańnia vykradalnikaŭ, pablizu miažy byŭ arhanizavany zachop hetaj hrupy, my ich nazyvajem łahistami. Heta hramadzianie Ukrainy», — paviedamiŭ Hrycak.
Adpaviednaje videa apublikavana na kanale YouTube SBU. Na zapisie možna ŭbačyć, jak supracoŭniki SBU zatrymlivajuć aŭtamabil, u sałonie jakoha razam z vykradalnikami byŭ Bahdanaŭ.
Pa słovach kiraŭnika SBU, u dačynieńni da arhanizacyi vykradańnia padazrajecca były deputat Charkaŭskaha abłsavieta Uładzimir Razsocha, zavierbavany HRU Hienštaba RF. Na dopycie były deputat paviedamiŭ, što dziejničaŭ u intaresach Rasii.
Hrycak adznačyŭ, što śledstva maje płaciožki ŭ dalarach i rasijskich rublach. «924 dalary vypłačana. My majem hetuju kvitancyju. Davieranaja asoba hetaha deputata atrymała hrošy za sam fakt vykradańnia», — skazaŭ jon.
Hrycak adznačyŭ, što płata ažyćciaŭlałasia za kožny krok — za vykradańnie, za dastaŭku da miažy, za transparciroŭku z adnaho miesca ŭ inšaje.
Jon adznačyŭ, što były deputat Charkaŭskaha abłsavieta byŭ zavierbavany nie na adnu apieracyju z Bahdanavym. U cełym jon mieŭ zadańnie stvaryć bajavyja hrupy dla vykarystańnia va Ukrainie ŭ roznaha rodu apieracyjach.
«Jon, budučy idejnym prychilnikam ruskaha śvietu, pahadziŭsia na hetuju pracu, stvaryŭ takuju hrupu», — skazaŭ kiraŭnik SBU. Kaho mienavita jašče płanavałasia vykraści, Hrycak nie ŭdakładniŭ.
Usiaho pa spravie ab vykradańni Bahdanava zatrymanyja troje hramadzian Ukrainy — eks-deputat i jašče dvoje vykanaŭcaŭ.
«Sproby likvidavać mianie praciahvajucca. Ja hramadzianin Ukrainy. Heta terarystyčnyja dziejańni suprać mianie», — skazaŭ Illa Bahdanaŭ na pres-kanfierencyi.
Jon taksama raspavioŭ, što čuŭ kamandy pra jaho zabojstva, cytuje UNIAN: «Davali kamandu na zabojstva. Ty siadziš pobač i bačyš ŭsich hetych dziejučych asob. Razumieješ: realna zabili b. Realna kožny momant ja byŭ pjany ad hetych narkotykaŭ, jakija razvodzili z hetymi šprycami…»
«SBU spracavała. Uziała čekisckuju mašynu. Heta kłasna. Heta pieramoha ŭkrainskich śpiecsłužbaŭ. Dziakuj», — dadaŭ jon.
Hrycak taksama adznačyŭ, što heta nie pieršaja sproba vykradańnia Bahdanava. «U lutym minułaha hoda my praduchilili takuju sprobu. Byŭ zatrymany kiler, jaki ŭ kastryčniku minułaha hoda atrymaŭ 8,5 hadoŭ turmy i ciapier adbyvaje pakarańnie», — skazaŭ jon.
Illa Bahdanaŭ byŭ kadravym aficeram FSB, u 2014 hodzie pierajšoŭ na bok Ukrainy. Vajavaŭ u zonie ATA ŭ padraździaleńniach Pravaha siektara. Razam z kibarhami były aficer FSB abaraniaŭ Daniecki aeraport ad terarystaŭ. U sakaviku 2015 hoda Bahdanaŭ atrymaŭ ŭkrainskaje hramadzianstva.
Dvajniki viadomych biełarusaŭ. I nie kažycie, što nie zadumvalisia pra ich padabienstva12
Dvajniki viadomych biełarusaŭ. I nie kažycie, što nie zadumvalisia pra ich padabienstva
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3030
Kamientary