Žadajučyja pryvatyzavać žyllo pavinny padać zajavu da 30 červienia ŭklučna
Hramadzianam, jakija žadajuć pryvatyzavać žyłyja pamiaškańni, hałoŭnaje padać zajavu da 30 červienia ŭklučna, zajaviŭ siońnia ŭ čas anłajn-kanfierencyi na sajcie BiełTA namieśnik staršyni Dziaržaŭnaha kamiteta pa majomaści Viačasłaŭ Abramaŭ.
«Padača zajavy — heta pačatak pracesu pryvatyzacyi. Dalejšyja dziejańni vyznačanyja zakanadaŭstvam. Na praciahu adnaho miesiaca pavodle ahulnaha praviła pavinna być pryniataje stanoŭčaje ci admoŭnaje rašeńnie pa pryvatyzacyi, plus na praciahu hoda hramadzianinu nieabchodna zaklučyć damovu na pryvatyzacyju. To bok, kali čałaviek padaŭ zajavu na pryvatyzacyju 30 červienia, jon moža nie chvalavacca, pačatak pracesu pakładzieny», — adznačyŭ Abramaŭ.
U svaju čarhu načalnik upraŭleńnia acenki Dziaržaŭnaha kamiteta pa majomaści Biełarusi Dzina Sakałoŭskaja źviarnuła ŭvahu na toje, što nie tolki ŭ hramadzian uźnikajuć pytańni z nahody taho, ci zakančvajecca całkam praces pryvatyzacyi 30 červienia. «Čamuści navat kamisii pa pryvatyzacyi ličać, što da 1 lipienia treba pryniać usie rašeńni. Ale heta nie tak. Da 30 červienia ŭklučna hramadzianie prosta pavinny paśpieć padać zajavu», — patłumačyła jana.
Namieśnik ministra žyllova-kamunalnaj haspadarki Hienadź Trubiła vykazaŭ upeŭnienaść, što kožny hramadzianin, jaki zachoča skarystacca pravam pryvatyzacyi, zmoža heta zrabić. «Miascovyja vykanaŭčyja i rasparadčyja orhany da 10 červienia pavinny piśmova paviedamić usim, chto adkłaŭ hetaje pytańnie na apošni momant abo paprostu zabyŭsia, što termin dla pryvatyzacyi kvater i damoŭ skančajecca. Takija śpisy pavinny być na miescach», — skazaŭ jon.
Jak paśla kanca śvietu. Ahrasiadzibu ŭ Salihorskim rajonie zaniesła ziamloj3
Kamientary