Śviet11

Novy film ARD: utojvać dopinh-proby dapamahaŭ ministr sportu Rasii

U rasijskim ministerstvie sportu abvinavačvańni na adras svajho kiraŭnika kamientavać nie staliRIA Novosti

Niamiecki telekanał ARD anansavaŭ film, dzie, u pryvatnaści, śćviardžajecca, što ministr sportu Rasii Vital Mutko asabista datyčny da ŭtojvańnia infarmacyi ab užyvańni dopinhu adnym z futbalistaŭ rasijskaj premjer-lihi.

Akramia taho, u filmie, jaki vyjdzie ŭ efir viečaram 8 červienia, abiacajuć pakazać dokazy taho, što rasijskija treniery, jakich adchilili z-za dopinhavych skandałaŭ, praciahvajuć pracavać sa spartoŭcami.

U adkaz na heta rasijskaje ministerstva sportu vypuściła zajavu, u jakoj śćviardžajecca, što ŭ apošni čas byŭ «raspačaty ceły šerah krokaŭ z tym, kab całkam pierabudavać rasijskuju antydopinhavuju sistemu». U pryvatnaści, testavańniem rasijskich spartsmienaŭ na dopinh zaraz praktyčna całkam zajmajucca zamiežnyja śpiecyjalisty.

Kamientavać abvinavačvańni na adras Mutko ŭ ministerstvie nie stali.

Ź filma telekanała ARD ŭ śniežni 2014 hoda pačaŭsia adzin z najbujniejšych dopinhavych skandałaŭ u suśvietnym sporcie. Paśla vychadu filma kamisija Suśvietnaha antydopinhavaha ahienctva praviała ŭłasnaje rasśledavańnie i vyjaviła sistematyčnyja parušeńni, źviazanyja z užyvańniem zabaronienych preparataŭ rasijskimi spartsmienami pry aktyŭnaj padtrymcy trenieraŭ i čynoŭnikaŭ.

U vyniku Rasieja była adchilenaja ad spabornictvaŭ pad ehidaj Mižnarodnaj asacyjacyi lohkaatletyčnych fiederacyj.

Čarhovy vitok rasijskaha dopinhavaha skandału rušyŭ uśled ŭ traŭni. Były kiraŭnik Maskoŭskaj antydopinhavaj łabaratoryi Ryhor Rodčankaŭ zajaviŭ, što padčas Alimpijady ŭ Sočy dziasiatki rasijskich spartsmienaŭ, u tym liku załatyja miedalisty, užyvali dopinh.

U siaredzinie traŭnia prezident MAK Tomas Bach dapuściŭ mahčymaść adchileńnia ŭsioj rasijskaj zbornaj ad udziełu ŭ Alimpijskich hulniach 2016 hoda ŭ Rya-de-Žaniejra z-za dopinhavaha skandału.

U intervju radyjostancyi BBC Radio 4 vykanaŭca abaviazkaŭ hienieralnaha dyrektara Rasijskaha antydopinhavaha ahienctva RUSADA Hanna Ancelijovič zajaviła ab tym, što padobnaje rašeńnie było b niesumlennym u adnosinach da tych spartsmienaŭ, jakija nie ŭžyvali dopinh.

Jana taksama skazała, što nie viedaje ničoha pra toje, što machlarstva z dopinh-probami było arhanizavana pry padtrymcy pradstaŭnikoŭ rasijskich viedamstvaŭ i śpiecsłužbaŭ, i dadała, što Rodčankaŭ nie maje dačynieńnia da dziejnaści RUSADA.

U svaju čarhu daradca ministra sportu Rasii pa pytańniach antydopinhu Natalla Žałanava na pytańnie žurnalistaŭ ab dačynieńni da dopinh-skandału śpiecsłužbaŭ adkazvać nie stała.

Kamientary1

U Minsku na ludziej, jakija viartalisia ź plažu, upała dreva, zahinuła dziaŭčyna

U Minsku na ludziej, jakija viartalisia ź plažu, upała dreva, zahinuła dziaŭčyna

Usie naviny →
Usie naviny

«Zamoŭ vielmi šmat». Polski restaran arhanizavaŭ dastaŭku picy prosta ŭ čarhu na miažy ź Biełaruśsiu1

Połk Kalinoŭskaha abvierh paviedamleńnie Minabarony Biełarusi ab hibieli Jana Rudzika3

U Ispanii dakazali hipotezu 54-hadovaj daŭniny viadomaha matematyka rodam z Kobryna

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ4

Čamu ŭ haračyja dni časta balić hałava i jak ad taho ŭbierahčysia

U miastečku Haradok na Biełastoččynie siońnia pačaŭsia fiestyval Tutaka

Milicyja stralała ŭ dvary minskaha šmatpaviarchovika. Što zdaryłasia?

U Biełarusi znoŭ pastrožyli palityčny filtr dla ekskursavodaŭ. Što źmianiłasia ŭ praviłach atestacyi?2

«Znachodzicca ŭ źniasilenym stanie». Vierniki daviedalisia padrabiaznaści pra źniavolenaha ksiandza Andžeja Juchnieviča

bolš čytanych navin
bolš łajkanych navin

U Minsku na ludziej, jakija viartalisia ź plažu, upała dreva, zahinuła dziaŭčyna

U Minsku na ludziej, jakija viartalisia ź plažu, upała dreva, zahinuła dziaŭčyna

Hałoŭnaje
Usie naviny →