Doŭh Biełarusi za spažyty rasijski haz raście i ŭžo pieravysiŭ 200 młn. dołaraŭ, zajaviŭ žurnalistam u Maskvie 31 maja namieśnik staršyni praŭleńnia AAT «Hazprom» Alaksandr Miadźviedzieŭ.
«Jość niepłaciažy ŭ adras biełaruskaj kampanii (majecca na ŭvazie AAT «Hazprom transhaz Biełaruś») z boku biełaruskich spažyŭcoŭ. Užo tam suma nazapasiłasia vielmi i vielmi sur`ioznaja — užo za 200 młn. dołaraŭ».
Pradstaŭnik «Hazproma» vykazaŭ zdahadku, što biełaruskija spažyŭcy «nie sami pa sabie vyrašyli tak płacić, a im niechta padkazaŭ». «Mnie zdajecca, heta nie lepšy sposab», — dadaŭ jon.
Nahadajem, u pačatku maja stała viadoma, što AAT «Hazprom transhaz Biełaruś» źviarnułasia ŭ mižnarodny arbitražny sud pry Biełaruskaj handlova-pramysłovaj pałacie ź iskam u dačynieńni da biełaruskich hazazabieśpiačalnych arhanizacyj «u suviazi z najaŭnaściu zapazyčanaści z boku hazazabieśpiačalnych arhanizacyj pa apłacie pastaŭlenaha pryrodnaha hazu».
Mahčymaść źnižeńnia dla Biełarusi cany na pryrodny haz, a taksama situacyja vakoł zapazyčanaści za pastaŭlenyja resursy abmiarkoŭvałasia 30 maja na sustrečy vice-prem`ieraŭ Rasii i Biełarusi Arkadzia Dvarkoviča i Uładzimira Siamaški. Pa jaje vynikach Dvarkovič paviedamiŭ, što «prahresu niama».
Raniej ministr enierhietyki RF Alaksandr Novak zajaŭlaŭ, što ciapierašniaja cana pastavak rasijskaha hazu dla Biełarusi składaje 132 dołary za tysiaču kubamietraŭ. Pavodle dadzienych rasijskaha Minenierha, doŭh Biełarusi pierad «Hazpromam» za pieršyja čatyry miesiacy 2016 hoda składaŭ bolš za 125 młn. dołaraŭ.
U svaju čarhu ministr enierhietyki Biełarusi Uładzimir Patupčyk i vice-prem`ier Uładzimir Siamaška admaŭlali najaŭnaść doŭhu. Patupčyk zajaŭlaŭ, što Biełaruś ličyć spraviadlivaj canu na rasijski haz, jaki pastaŭlajecca ŭ respubliku, 73 dołary za tysiaču kubamietraŭ. Jon taksama padkreślivaŭ, što biełaruski bok «havoryć nie ab skidcy, a ab rynačnych roŭnadachodnych cenach» na haz.
Dvajniki viadomych biełarusaŭ. I nie kažycie, što nie zadumvalisia pra ich padabienstva12
Dvajniki viadomych biełarusaŭ. I nie kažycie, što nie zadumvalisia pra ich padabienstva
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3030
Kamientary