Makiej: Biełaruś i ZŠA hatovy da poŭnaj narmalizacyi adnosinaŭ

mfa.gov.by

Udzieł u cyrymonii pryniała namieśnik hienieralnaha sakratara AAN Chielen Kłark, jakaja prybyła ŭ Minsk 24 krasavika, a taksama časovy pavierany ŭ spravach ZŠA ŭ Biełarusi Skot Rołand.

«My pavinny hladzieć adzin na adnaho nie praz zbrojnyja pryceły, a pavinny razmaŭlać, mieć adkryty dyjałoh.

Tak, dyjałoh moža być ciažkim, ale my pavinny šukać kampramisnyja rašeńni tych składanych pytańniaŭ, jakija zdajucca niepieraadolnymi», — skazaŭ kiraŭnik MZS.

Na jaho dumku, Biełaruś i ZŠA ciapier jak raz znachodziacca na etapie «pastupalnaha pašyreńnia pazityŭnaj atmaśfiery ŭ adnosinach». «Ja pierakanany, što heta praciahniecca. U abodvuch bakoŭ jość hatoŭnaść da poŭnaj narmalizacyi našych adnosin. My maleńkaja kraina, i my razumiejem, jakuju rolu hrajuć ZŠA ŭ śviecie», - zajaviŭ Makiej.

U svaju čarhu Skot Rołand, adkazvajučy na pytańnie ab mahčymaści viartańnia ŭ Minsk pasła ZŠA, adznačyŭ: «Heta, viadoma, było b vielmi dobrym krokam napierad. Ja spadziajusia, što sioleta heta moža być temaj dla abmierkavańniaŭ ź Ministerstvam zamiežnych spraŭ Biełarusi».

U adkaz na heta Makiej skazaŭ: «Ja mahu vam pradać maleńki sakret: na adnoj z apošnich sustreč z našymi amierykanskimi partniorami naš prezident skazaŭ spadaru Rałandu: «Dyk davajcie my vas pryznačym pasłom!» Na žal, heta zaležyć nie ad nas, ale my pracujem nad tym, kab u bližejšaj budučyni my mieli mahčymaść dla paŭnavartasnaha, poŭnafarmatnaha dyjałohu na ŭzroŭni pasolstvaŭ».

***

U sakaviku 2008 hoda kolkaść supracoŭnikaŭ pasolstva ZŠA ŭ Minsku było skaročana pa patrabavańni biełaruskaha boku z 35 čałaviek da piaci. Heta adbyłosia paśla ŭviadzieńnia Złučanymi Štatami sankcyjaŭ u dačynieńni da dziaržkancerna «Biełnaftachim» u suviazi z parušeńniami pravoŭ čałavieka. Krychu paźniej pasoł Biełarusi ŭ ZŠA Michaił Chvastoŭ byŭ adklikany z Vašynhtona dla kansultacyj, a Minsk pa patrabavańni biełaruskaha boku pakinuła pasoł Karen Ściuart.

U 2014 hodzie biełaruski bok dazvoliŭ pavialičyć štat pasolstva ZŠA ź piaci da šaści čałaviek, paśla čaho amierykanskaje dyppradstaŭnictva pašyryła śpis vizavych pasłuh dla hramadzian Biełarusi.

U lutym hetaha hoda Skot Rołand vykazaŭ nadzieju na toje, što pytańnie ab pašyreńni štatu amierykanskaha pasolstva ŭ Minsku budzie vyrašana na praciahu hoda. Jon padkreśliŭ, što pytańnie ab adnaŭleńni paŭnavartasnaj pracy pasolstva ZŠA ŭ Biełarusi «abmiarkoŭvajecca i ŭ Vašynhtonie, i ŭ Minsku».

• 0
• 0
• 0
• 0
• 0
• 0