U Jeŭropu adpraviŭsia tankier sa zvadkavanym pryrodnym hazam z ZŠA. Sudna z Łuizijany znachodzicca na šlachu ŭ Partuhaliju. Heta pieršaja partyja hazu, jakuju amierykanskija vytvorcy pačali pastaŭlać na jeŭrapiejski rynak, piša The Wall Street Journal.
Jak čakajecca, 300-mietrovy hazavoz Creole Spirit prybudzie ŭ punkt pryznačeńnia 26 krasavika. Pakupnikom źjaŭlajecca partuhalskaja kampanija Galp Energia.
Analityki prahnazujuć, što pastupleńnie amierykanskaha hazu moža spravakavać cenavuju vajnu, jakaja pryviadzie da źnižeńnia cenaŭ dla spažyŭcoŭ na jeŭrapiejskim rynku, dzie doŭhi čas daminavała Rasija.
ZŠA pačali pradavać za miažu haz, jaki zdabyvajecca ŭ rajonie Mieksikanskaha zaliva, u lutym. Techaskaja Cheniere Energy adpraviła pieršuju partyju ŭ Braziliju, a zatym u krainy Azii.
Bum słancavaha hazu źmianiŭ situacyju na rynku enierhietyki ŭ ZŠA, i, jak čakajecca, kraina stanie čystym eksparcioram hazu ŭ 2017 hodzie
U Jeŭropie amierykanskija pastaŭščyki buduć kankuravać z Rasijaj, jakaja ŭ ciapierašni čas pastaŭlaje kala traciny hazu dla kantynienta pa trubapravodzie. Naprykład, Hiermanija z Rasii atrymlivaje pałovu svajho hazu, Italija — tracinu. Inšymi krynicami paliva źjaŭlajucca Narviehija, Ałžyr i Blizki Uschod.
Na dumku analitykaŭ, Rasija moža panizić ceny dla svaich jeŭrapiejskich klijentaŭ, kab pasprabavać adahnać novych kankurentaŭ u asobie ZŠA.
U biahučych cenach amierykanski ZPH, jaki dastaŭlajecca ŭ Jeŭropu, budzie kaštavać kala 4,30 dalara za miljon brytanskich ciepłavych adzinak. Rasija pradaje svoj haz u Jeŭropu pa siaredniaj canie 5,80 dalara. Analityki ličać, što Rasija moža istotna źnizić ceny ŭ cenavaj vajnie - da ŭzroŭniu nižej za 3 dalary.
Što zapisana aficyjnaj pryčynaj śmierci adzinaha syna Jarmošynaj?8
Kamientary