Sakratar Rady nacyjanalnaj biaśpieki i abarony Ukrainy Alaksandr Turčynaŭ apublikavaŭ u svaim akaŭncie ŭ Youtube repartaž pra vyprabavańni novaj kiravanaj rakiety ŭkrainskaj vytvorčaści.
Pa jahonych słovach, rakieta całkam vykanała płanavaje zadańnie i trapiła dakładna ŭ cel.
«Pierad abaronna-pramysłovym kompleksam, pierad našymi vučonymi i kanstruktarami było pastaŭlenaje zadańnie zabiaśpiečyć vytvorčaść ukrainskich rakiet biez adzinaj kamplektujučaj z RF», — raspavioŭ Turčynaŭ.
Kankretnyja nazvy, indeksy ci charaktarystyki novaha bojeprypasu nie paviedamlalisia.
Blizki da rasijskaha Centra analizu stratehij i technałohij błoh bmpd.livejournal.com piša, što pusk byŭ zrobleny z samachodnaj ustanoŭki na biełaruskim kołavym šasi MAZ-543, i, vierahodna, heta było pieršaje vyprabavańnie 300-mm rakiety «Vilcha» z reaktyŭnaj sistemy załpavaha ahniu «Śmierč».
Raspracoŭku rakiety «Vilcha» viadzie Kanstruktarskaje biuro «Paŭdniovaje» im. M.K.Janhiela (Dnieprapiatroŭsk), sistemu kiravańnia robić Kijeŭskaje kanstruktarskaje biuro «Łuč».
Dvajniki viadomych biełarusaŭ. I nie kažycie, što nie zadumvalisia pra ich padabienstva12
Dvajniki viadomych biełarusaŭ. I nie kažycie, što nie zadumvalisia pra ich padabienstva
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3030
Kamientary