Adzinuju formu paviedamleńnia ab apłacie žyllova-kamunalnych pasłuh uradu daručana raspracavać da 1 maja. Heta praduhledžana ŭkazam ad 23 sakavika № 107 «Ab apłacie žyllova-kamunalnych pasłuh, što akazvajucca nasielnictvu», apublikavanym siońnia na sajcie prezidenta.
U adpaviednaści z ukazam urad taksama pavinien naładzić da 1 kastryčnika asnaščeńnie šmatkvaternych damoŭ pryborami ŭliku elektraenierhii, nieabchodnaj dla aśviatleńnia dapamožnych pamiaškańniaŭ i pracy abstalavańnia.
Apłata za pasłuhi ŽKH, akazanyja ŭ lutym, zhodna z ukazam № 107 dazvolena ažyćciavić nie paźniej za 5 krasavika. Pry hetym žyroŭki nasielnictvu pavinny pieradać nie paźniej za 25 sakavika. Da hetaha ž času miascovyja vykankamy pavinny zrabić pieraraźlik płaciažoŭ za pasłuhi, akazanyja ŭ studzieni.
Dakumientam vyznačajucca miežava dapuščalnyja taryfy ŭ 2016 hodzie na 14 vidaŭ žyllova-kamunalnych pasłuh, praduhledžvajecca źmiena šaści taryfaŭ na žyllova-kamunalnyja pasłuhi. U pryvatnaści źmianšajucca taryfy na pasłuhi vodazabieśpiačeńnia ŭ 1,7 razu (z 4.765,9 da 2.790 rubloŭ za 1 kub. m), vodaadviadzieńnia — bolš jak u 2,2 razu (4.148,8 da 1.863 rubloŭ za 1 kub. m). Ustaloŭvajecca miežavy taryf na pasłuhu pa techničnym absłuhoŭvańni zaporna-pierahavornych pryład (kodavyja dźviery, damafony) žyłoha doma ŭ pamiery 9.100 rubloŭ na adnu kvateru.
Nahadajem, na naradzie pa pytańniach taryfaŭ ŽKH 14 sakavika Alaksandr Łukašenka zajaviŭ: «Čałavieku prynosiać hetuju žyroŭku, jak u narodzie jaje nazyvajuć, jon pahladzieŭ — jakaja tam cana?! Dy hetaja žyroŭka — čort nohi złomić, nie kožny ekanamist raźbiarecca!»
Dvajniki viadomych biełarusaŭ. I nie kažycie, što nie zadumvalisia pra ich padabienstva12
Dvajniki viadomych biełarusaŭ. I nie kažycie, što nie zadumvalisia pra ich padabienstva
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3030
Kamientary