Finansavaja milicyja vyjaviła fakty ŭchileńnia ad vypłaty padatkaŭ na 2,3 młrd rubloŭ padčas pravierki mahiloŭskaha tavarystva z abmiežavanaj adkaznaściu.
Jak paviedamiŭ namieśnik načalnika ŭpraŭleńnia departamienta finansavych rasśledavańniaŭ Kamiteta dziaržkantrolu pa Mahiloŭskaj vobłaści Alaksandr Šarojkin, mahiloŭskaja kampanija na praciahu 2014—2015 hadoŭ nabyvała ŭ sielskahaspadarčych pradpryjemstvaŭ vobłaści bujnuju rahatuju žyviołu, jakaja paśla vyvoziłasia z respubliki i realizoŭvałasia ŭ Rasiju žyvoj vahoj za najaŭny raźlik. Pry hetym atrymanaja vyručka nia adlustroŭvałasia ŭ buchhałtarskim uliku tavarystva.
«Z metaj stvareńnia lehalnaści ździełak u buchhałtarski ŭlik tavarystva źmiaščalisia fiktyŭnyja pieršasnyja dakumienty, zhodna ź jakimi nabytaja bujnaja rahataja žyvioła dastaŭlałasia ŭ pryvatny dom, raźmieščany ŭ Mahilovie, dzie adbyvaŭsia jaje zaboj (u siarednim da 25 hałoŭ za sutki) i nastupnaja realizacyja za najaŭny raźlik vydumanym fizičnym asobam», — skazaŭ pradstaŭnik finansavaj milicyi.
Upraŭleńnie Śledčaha kamiteta pa Mahiloŭskaj vobłaści raspačało ŭ dačynieńni da dyrektara i hałoŭnaha buchhałtara tavarystva spravu pa č. 2 art. 243 (uchileńnie ad vypłaty sum padatkaŭ, zboraŭ). Dyrektar uziaty pad vartu.
Dvajniki viadomych biełarusaŭ. I nie kažycie, što nie zadumvalisia pra ich padabienstva12
Dvajniki viadomych biełarusaŭ. I nie kažycie, što nie zadumvalisia pra ich padabienstva
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3030
Kamientary