U Breście 22 sakavika hruzavym ciahnikom Baranavičy — Brest traŭmavany 24-hadovy žychar Bresckaha rajona.
Jak paviedamili ŭ Bresckim adździele ŭnutranych spraŭ na transparcie, nadzvyčajnaje zdareńnie adbyłosia ŭ 22.16 niepadalok ad čyhunačnaha pierajezdu pa vulicy Fartečnaj. Mašynist ciahnika zaŭvažyŭ čałavieka, jaki lažaŭ u čyhunačnaj kalainie, staŭ padavać hučnyja papieradžalnyja sihnały, adnak toj na ich nie reahavaŭ. Niahledziačy na ekstrannaje tarmažeńnie, paźbiehnuć najezdu nie ŭdałosia.
Małady čałaviek z zakrytaj čerapna-mazhavoj traŭmaj, strasieńniem hałaŭnoha mozhu, rankami na iłbie i ŭdaram pravaha ściahna źmieščany ŭ centralnuju haradskuju balnicu. Jaho stan aceńvajecca jak zdavalniajučy.
Vyjaŭlena, što chłopiec znachodziŭsia ŭ stanie ałkaholnaha apjanieńnia. Pavodle jaho słoŭ, spatyknuŭšysia na čyhunačnym puci, jon upaŭ pamiž rejkami, samastojna padniacca nie zdoleŭ, a potym zasnuŭ i pračnuŭsia, kali mašynist ciahnika zapytaŭ, jak jon siabie adčuvaje.
Z pačatku 2016 hoda na ŭčastku absłuhoŭvańnia Bresckaha AUST zafiksavanyja try vypadki traŭmavańnia ciahnikami ludziej, adzin ź ich sa śmiarotnym zychodam.
Dvajniki viadomych biełarusaŭ. I nie kažycie, što nie zadumvalisia pra ich padabienstva12
Dvajniki viadomych biełarusaŭ. I nie kažycie, što nie zadumvalisia pra ich padabienstva
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3030
Kamientary